SAN LUCAS 23:26 - Nuevo Testamento en Quichua Cañar 1996

²⁶ Jesusta chacatangapac ña apacushpami, chagramanta shamucuc Cirene pueblomanta Simón runata japircacuna. Paitaca Jesuspac huashata cruzta apachishpami pusharcacuna.

Dios Rimashcata Quillcashcami

²⁶ Jesusta chacatangapac apacushpami, campomanta shamucuc Cirene pueblomanta Simonhuan tuparca. Paitami Jesuspac huashata cruzta apachishpa pusharca.

SAN LUCAS 23:26 Referans Kwoze

HECHOS 6:9

Chashna ruhuashpa puricucpimi, maijan runacunaca Estebanhuan rimarinacui callarircacuna. Paicuna tandanacuna huasica: “Servic cashcamanta cacharichishca” shutitami charirca. Paicunapurapica Cirene pueblomanta, Alejandría pueblomanta, Cilicia llactamanta, Asia llactamantapish carcacunami.

HECHOS 6:6

Ña chashna acllashpaca, Jesús acllashca huillaccunapacmanmi pushamurcacuna. Paicunaca chai runacunapac uma jahuapi maquita churashpami, Taita Diosman mañarcacuna.

HECHOS 2:10

Frigia llactamanta, Panfilia llactamanta, Egipto llactamanta, Africapi cac Cirene pueblo cuchulla llactacunamantami caipica canchic. Shinallatac Roma*f** llactamanta shamushpami, caipi causacunchic. Maijancunaca Israel*f** aillupuratacmi canchic. Maijancunaca shamushpa, israelcuna yachachishcata c'aticcunallami canchic.

SAN LUCAS 14:27

Maijanpish cruzpi chacatashca huañuna shina llaquita apana cashpapish ñucata mana c'atishpaca, mana ñuca yachacucchu canga.

SAN LUCAS 9:23

Chashna nishca q'uipami, tucui chaipi caccunataca: —Maijanpish ñucata c'atisha nishpaca, quiquin causaita mana llaquinachu canguichic. Cruzpi chacatashca huañuna shina llaquita apana cashpapish, ñucataca punzhanta c'atichiclla.

HECHOS 13:1

Antioquía pueblopi causac tandanacushca criccunapurapica, Diosmanta huillaccunapish, yachachiccunapish tiyarcami. Paicunapurapica Bernabepish, Niger nishca Simonpish, Cirene pueblomanta Luciopish, Galilea llactata mandac Herodeshuan huiñac Manaenpish, Saulopish carcami.

SAN LUCAS 23:25

Chai pueblopura macanacuchingapac jatarichic cashcamantapish, shinallatac huañuchishcamantapish prezu charicushca runatami, paicuna mañashca shinallatac cacharirca, ashtahuanpish Jesustaca paicuna munashca shina chacatachunmi curca.

SAN MATEO 5:41

Canta maijan imatapish ashacaman apashpa richun nicpica, shuc chashnahuan apashpa ringuilla.