SAN LUCAS 22:19 - Nuevo Testamento en Quichua Cañar 1996

¹⁹ Shinallatac Jesús tandata japishpapish Taita Diosta pagui nishpami, chaupishpa chaupishpa yachacuccunaman cushpaca: —Caica, cancunamanta llaquichishca cana ñuca aichami. Ñucata yuyarishpa, cashna ruhuacunguichiclla— nirca.

Dios Rimashcata Quillcashcami

¹⁹ Shinallatac tandata japishpa Diosta pagui nishpa, chaupishpa chaupishpa cushpaca: —Caica, cancunamanta cushca ñuca cuerpomi. Ñucata yuyarishpa, cashna ruhuacunguichiclla— nirca.

SAN LUCAS 22:19 Referans Kwoze

1 CORINTIOS 10:16

Dios cushca vinota ubiashpaca, Diostami pagui ninchic. Chai vinota ubiashpaca, Cristopac yahuarhuanmi shuc shinalla tucunchic. Tandata micushpapish, Cristopac cuerpohuanmi shuc shinalla tucunchic.

SAN LUCAS 22:20

Shinallatac pascua micuita micushca q'uipaca, vaso vinota japishpami, Jesusca: —Cai vaso vinoca, cancunata quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

1 CORINTIOS 10:4

Dios cushca ubianatapish ubiarcacunami. Paicunaca paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

EFESIOS 5:2

Jesucristo ñucanchicta c'uyac shinallatac, cancunapish c'uyanacushpa causaichic. Paica c'uyashcamantami, Diosman cushpa rupachishca mishquiman ashnacuc shina cangapac, pai quiquinllatac japi tucushpa, ñucanchicmanta huañurca.

GÁLATAS 1:4

Jesucristoca ñucanchic juchacunamanta huañushpami, cai pacha millai gentecuna shina ama causachun ñucanchicta quishpichishpa, ñucanchic Taita Dios munashcata pactachirca.

SAN JUAN 6:51

Ñucami jahua pachamanta shamushca, huiñai causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

SAN LUCAS 24:30

Paicunahuan micungapac tiyacushpaca, tandata japishpa Taita Diosta pagui nishpa, chaupishpa chaupishpami paicunaman curca.

SAN MATEO 14:19

gentecunata q'uihua pamballapi tiyarichun mandarca. Shina mandashpami, chai pichca tandata, ishcai pescadota japishpa, huichailla ricushpa, Taita Diosta pagui nishpaca, tandata chaupishpa chaupishpa, paipac yachacuccunaman curca. Paicunaca gentecunamanmi cararcacuna.

SAN JUAN 6:23

Chashnacpica, Tiberias pueblomanta canoacuna shamushpaca, chai yacu patamanmi chayarca. Chai cuchullapimi Jesusca Taita Diosta pagui nishpa, tandata carashca carca.

SAN LUCAS 22:17

Chashna nishpami, Jesusca vaso vinota japishpa, Taita Diosta pagui nishpaca: —Caicachic, tucuilla asha ashata ubiaichic.

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi, Taita Diosca munan.

GÁLATAS 4:25

Chai Agar huarmica Arabia llactapi tiyac Sinaí urcutami nisha nin. Shinallatac Agar huarmica Jerusalenpi causaccunapish, tucui israelcunapish*f** cunan punzha ima shina servishpa causacushcatapish ricuchinmi.

SAN MATEO 15:36

Shina nishpami canchis tandata, asha pescadota japishpa, Taita Diosta pagui nirca. Chai q'uipaca chaupishpa chaupishpami, paipac yachacuccunamanca curca. Paicunaca gentecunamanmi cararcacuna.