SAN LUCAS 22:16 - Nuevo Testamento en Quichua Cañar 1996

¹⁶ Cancunaman ninimi: Cai micunataca Taita Dios mandana punzhapi micungacaman cutinca manatac micushachu— nirca.

Dios Rimashcata Quillcashcami

¹⁶ Ñucaca ninimi: Cai micunataca Dios mandacucpi micungacaman manatac micushachu— nirca.

SAN LUCAS 22:16 Referans Kwoze

APOCALIPSIS 19:9

Chai ángel ñucaman nishpaca: —‘¡Pactalla Ovejapac bodaman c'ayashcacunaca mai cushicuimi cancuna!’ nishpa quillcai. Cai rimashca shimicunaca mana llullachu, ashtahuanpish Dios rimashcami— nirca.

SAN LUCAS 14:15

Jesús chashna nicta uyashpaca, mizapi paihuan tiyacuccunapuramanta shucca: —Pipish Taita Dios maipi mandacucpi micungapac chayacca cushicungami— nirca.

SAN LUCAS 22:30

Chashna ruhuacpimi, cancunaca maipi ñuca mandacucpica ñucahuan micunguichic, ubianguichic. Shinallatac mandashpa tiyarinapi tiyarishpami, Israelpac*f** chunga ishcai aillucunata mandanguichic— nirca.

HECHOS 10:41

Mana tucuimanchu ricuchirca. Ñucanchic imalla ricushcata huillachun nishca, Dios ñaupaman acllashcacunallamanmi ricuchirca. Huañushcacunapuramanta Jesús causaricpica, ñucanchicca paihuanmi micurcanchic, ubiarcanchic.

SAN JUAN 6:27

Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 22:15

Ña tiyacushpa Jesusca: —Ñucaca manarac llaquita apashpami, cancunahuan pascuata yuyarishpa micunataca mai munacurcani.

SAN LUCAS 22:18

Cancunaman ninimi: Cunanmanta pacha cai uvas vinotaca, Taita Dios mandana punzhapi ubiangacaman cutinca manatac ubiashachu— nirca.