SAN LUCAS 21:19 - Nuevo Testamento en Quichua Cañar 1996

¹⁹ Chashna llaquichicucpipish, tucui shunguhuan c'atirashpami quishpiringuichic.

Dios Rimashcata Quillcashcami

¹⁹ Chashna llaquichicucpipish, tucui shunguhuan catirashpaca quishpiringuichicmi.

SAN LUCAS 21:19 Referans Kwoze

HEBREOS 10:36

Cancunaca mana p'iñarishpa, c'uyac shunguhuan llaquita apashpami, Diospac munaitaca pactachina canguichic. Chashna pactachishpami, pai cusha nicushcataca chasquinguichic.

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

SANTIAGO 1:3

Cancuna cric cashcamanta ima llaqui japicpica, mana p'iñarishpa, alli shunguhuan llaquicunata apana cashcatami yachacunguichic. Chaitaca ña yachanguichicmi.

APOCALIPSIS 3:10

Cancuna ñuca mandashcacunata pactachinataca ‘saquishallami’ ninataca mana nishcanguichicchu. Chaimantami shamuc punzhapi cai pachapi causaccuna ima shina cashcata ricungapac llaquicuna shamucpi, cancunatapish huacaichisha.

ROMANOS 5:3

Mana chaillamantachu cushicunchic, ashtahuanpish llaquita apashcamantapish cushicunchicmi. Chai llaquicunami mishangapac ashtahuan alli crina yuyaita cun.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

APOCALIPSIS 13:10

Maijanpish prezu apana cacca prezu apashcami canga. Shinallatac espadahuan huañuchina cacca espadallahuantacmi huañuchishca canga. Chashna tucucpimi Diospaclla caccunaca Diosta tucui shunguhuan crishpa c'atina can.

APOCALIPSIS 14:12

Caipimi Diospaclla caccunaca Dios mandashcacunata cazushpa, mana shaicushpa Jesusta alli c'aticcuna cashcataca ricuchingacuna.

HEBREOS 6:11

Cancuna shuyacushcata Taita Dios tucui pactachingacaman, chashna alli c'aticushcata ricuchichunmi munanchic.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

SAN MATEO 24:13

Chashna cacpipish tucuringacaman chai llaquicunata apactaca, Taita Diosca quishpichingami.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuc shinalla cashpami, cancunahuan pacta Dios mandacucpi cashpa, llaquita apashpa c'uyac shunguhuan ima llaquitapish apana yuyailla cani. Taita Dios Jesusman huillachishcata ñuca huillashcamantami, yacu chaupipi cac Patmos llactapi prezu carcani.

HEBREOS 6:15

Abrahamca mana p'iñarishpa, alli shunguhuan shuyacushpallami, Taita Dios cushami nishcataca chasquirca.

2 TESALONICENSES 3:5

Dios c'uyac shina cancunapish c'uyac cachun, shinallatac Cristo shina c'uyac shunguhuan llaquita apac cachunmi, Apunchic Jesusmanca mañanchic.

ROMANOS 8:25

Ashtahuanpish manarac ricushcata shuyacushpaca, llaquita apashpapish ricuna yuyaillami shuyacunchic.

SAN LUCAS 8:15

Ashtahuanpish alli allpapi urmashca muyu shinaca, Dios rimashca shimita tucui shunguhuan uyashpa, alli cazushpa mana cungariccunami. Chashna c'atishpami, alli p'ucuc shina ricurincuna.

ROMANOS 15:4

Alli shungu canatapish, cushi canatapish yachachishpami, Dios quillcachishcacunaca japina cashcata shuyachun ñucanchicman yachachicun.

ROMANOS 5:4

Chashna alli crina yuyaita charishpami, alli nishca cashun. Chai shina alli nishca cashpami, cushicuihuan shuyacushun.

SANTIAGO 1:4

Ashtahuanpish tucuimanta yallica mana p'iñarishpa, alli shunguyuc canata yuyaichic. Chashna cashpami alli sinchiyashpa, imapish mana illac, pipish mana juchanchipac, alli criccuna canguichic.

2 PEDRO 1:6

Ña allita entendishpaca, quiquinllatac jarcarinami canguichic. Quiquinllatac jarcaric cashpaca, mana shaicushpa c'aticcunami cana canguichic. Mana shaicushpa c'aticcuna cashpaca, Diosta alli yuyariccunami cana canguichic.