SAN LUCAS 2:1 - Nuevo Testamento en Quichua Cañar 1996

¹ Chai punzhacunapica Roma*f** llactata jatun mandac Augustomi, tucui pai mandacuc llactacunapi causaccunata paicunapac shuticunata quillcachichun huillachirca.

Dios Rimashcata Quillcashcami

¹ Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

SAN LUCAS 2:1 Referans Kwoze

SAN LUCAS 3:1

Ña chunga pichca huatata jatun mandac Tiberio Roma*f** llactata mandacucpimi, Poncio Pilatoca Judea llactata mandacurca. Herodesca Galilea llactata, paipac huauqui Felipeca Iturea llactata, shinallatac Traconite llactatapishmi mandacurca. Shinallatac Lisaniasca Abilinia llactatami mandacurca.

SAN MATEO 24:14

Taita Dios mandacucmanta alli huillaitaca tucui gentecuna yachachunmi, tucui llactacunapi huillashca canga. Chai q'uipami cai pachaca tucuringa.

HECHOS 25:21

Chashna tapucpica paillatacmi: ‘Roma llactata jatun mandac Augustopac ñaupapi ñahuinchinacungacaman, caillapitac casha’ nirca. Shina nicpimi, jatun mandac Augustopacman apangacaman soldadocuna cuidachun nircani— nirca.

FILIPENSES 4:22

Tucui caipi ñucahuan cac criccunapish cancunataca “allilla cashca cachun” nishpami cachancuna. Ashtahuancarin Roma*f** llactata jatun mandacpac huasipi cac criccunapish, cancunataca “allilla cashca cachun” nishpami cachancuna.

ROMANOS 1:8

Puntaca cancuna crishca tucui llactacunapi uyarishcamantami, Taita Diostaca Jesucristomanta pagui nicunilla.

HECHOS 11:28

Chai huillaccunapuramantaca Agabo runa shayarishpami, Diospac Espíritu yuyaita cucpi: “Tucui llactacunapi ima mana p'ucucpi yarcaimi tiyanga” nishpa huillarca. Chaica jatun mandac Claudio mandacui punzhacunapimi, chashna tucurca.

HECHOS 25:11

Huañuchina imapish mana caipaccunata ñuca ruhuashca cashpaca, huañuchichun nimanllami. Paicuna juchanchicushca manapish chashna cacpica, ñucataca pi mana paicunaman cachangallachu. Ñucataca Cesarllatac tapuchun ninimi— nirca.

MARCOS 16:15

Shinallatac caitapish paicunataca nircami: —Cancunaca tucui llactacunata rishpa, quishpirinamanta alli huillaita tucui gentecunaman huillagrichic.

MARCOS 14:9

Tucui cai pachapi maipipish quishpirinamanta alli huillaita huillacushpaca, cai huarmi ñucapi mishquilla ashnacucta churashcatapish huillangacunami. Chashna huillacpica, tucui uyaccunami pai chashna ruhuashcata yuyaringacuna. Chaica chashnatacmi canga— nirca.

SAN MATEO 22:17

Chaimantami cashna tapuc shamunchic: Roma*f** llactata jatun mandac Cesarman*f** impuestotaca paganaca, ¿mandashcapi nishca shinaca alli canga? Mana cashpaca, ¿manachu alli canga?— nishpa tapurcacuna.

SAN LUCAS 2:3

Tucui gentecunami paicunapac ñaupa taitacuna maipi causashca llactapi, quiquinpac shuticunataca quillcachigrina carca.

SAN LUCAS 2:5

Chai pueblomanca paihuan cazarangapac ari ninacushca Mariahuanmi, paicunapac shuticunata quillcachingapac rircacuna. Mariaca huicsa jundami carca.