SAN LUCAS 19:21 - Nuevo Testamento en Quichua Cañar 1996

²¹ Imatapish cambac nishcahuan manapish cushpa chasquiclla, manapish tarpushpa tandaclla cashcamantami, canta manchashpa chashna ruhuarcani’ nirca.

Dios Rimashcata Quillcashcami

²¹ Chaica, canca piñami cangui. Manapish cushpa chasquiclla, manapish tarpushpa cosechacmi cangui. Chaimantami chashna ruhuarcani” nirca.

SAN LUCAS 19:21 Referans Kwoze

SAN JUDAS 1:15

Chashna shamushpaca, tucui mana allita ruhuaccunata taripashpa, paicuna mana allita ruhuashcamanta, shinallatac paicuna Diosta p'iñachishpa, millai rimaicunata rimashpalla causashcamantami, taripashpa llaquichingapac shamurca” nishcami.

1 JUAN 4:18

Manchaica llaquichina cashcamantami shamun. Chaimanta maijanpish manchacca Diospac c'uyaitaca manarac tucui charinchu. Maijanpish Diospac c'uyaita charicca mana manchanchu, ashtahuanpish Diospac c'uyaimi chai manchaitaca anchuchin.

SANTIAGO 2:10

Maijanpish tucui mandashcacunata pactachicushpapish, shuc mandashcallata mana pactachishpaca, tucui mandashcata mana pactachishca shinallatacmi tucun.

2 TIMOTEO 1:7

Taita Diosca manchana yuyaita cuc espiritutaca mana cushcachu, ashtahuanpish imatapish ruhuai pudic, c'uyaita cuc, shinallatac quiquinllatac jarcarina yuyaita cuc Espiritutami ñucanchicmanca cushca.

ROMANOS 8:15

Cancunaca mana cutinllatac manchaita cuc, huatashca shina causanaman apac espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: “Ñuca Taitalla” nishpa Taita Diosman mañanchic.

ROMANOS 8:7

Maijanpish cai pacha jucha munashcata ruhuashpa causaccunaca Taita Diostaca p'iñanmi. Paicunaca Dios mandashcacunataca uyanatapish, cazunatapish mana pudincunachu.

SAN LUCAS 19:20

Cutin shuc shamushpaca: ‘Amito, caipimi cambac cullqui. Ñucaca alli quipishpami huacaichircani.

SAN LUCAS 19:22

Chashna nicpi chai mandacca: ‘Mana allita ruhuac runami cangui. Chashna nishpaca, canllatacmi llaquita apangui. Ñuca nishcahuanca manapish cushpa chasquiclla cashcata, manapish tarpushcata tandaclla cashcataca yachashcanguimi.