SAN LUCAS 17:3 - Nuevo Testamento en Quichua Cañar 1996

³ Pacta ima mana allita ruhuashpa, shuccunata pandachinguichicman. Maijanpish cancunapuramanta canta ima mana allita ruhuacpica: ‘Ama chashna ruhuaichu’ nishpa rimangui. Chaita uyashpa alli tucucpica, perdonanguilla.

Dios Rimashcata Quillcashcami

³ ¡Allita cuidaringuichic! Maijan canta ima mana allita ruhuacpica cunashpa rimangui. Chaita uyashpa alli tucucpica, perdonangui.

SAN LUCAS 17:3 Referans Kwoze

SAN MATEO 18:21

Chaimanta Pedroca Jesuspacman shamushpaca: —Apunchic Jesús, ¿mashna cutincamantac ñucata mana allita ruhuactaca perdonasha? ¿Canchis cutincamanchu perdonasha?— nishpa tapurca.

SANTIAGO 5:19

Ñuca c'uyashca criccuna, cancunapuramanta maijanpish cashcata nic huillashcata saquishpa, pandarishpa puricucpi, maijan cunashpa, Diosman tigrachishpaca,

2 JUAN 1:8

Chashna cashcamantami cancunaca imalla ruhuashcamanta japina cashcata mana chingachishpa, tucui japina yuyailla cana canguichic.

HEBREOS 12:15

Maijanpish jayac sapi yura shina gentecunata muspachishpa llaquichic ama cangapacca, c'uyac Diosmanta ama caruyachunmi munanchic.

EFESIOS 5:15

Chaimanta caishuc chaishuchuan apanacungapac alli yuyarichic. Ama yuyai illac shina causaichicchu, ashtahuanpish alli yuyaihuan causaichic.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi cancunapac shunguta churashpa causacunguichicman. Chashna causacucpica, pacta cancuna mana yuyashca horas chai punzhaca chayamunman.