SAN LUCAS 15:28 - Nuevo Testamento en Quichua Cañar 1996

²⁸ Shina nicpi chai huauquica munai p'iñarishpami, mana yaicusha nirca. Chaimantami taita llucshishpaca: ‘Yaicuiyari’ nishpa mañarca.

Dios Rimashcata Quillcashcami

²⁸ Shina nicpimi, chai huauquica yallita piñarishpa, mana yaicusha nirca. Chaimantami taita llucshishpa yaicuchun rogarca.

SAN LUCAS 15:28 Referans Kwoze

SAN LUCAS 15:2

Chaita ricushpami fariseocunapish,*f** mandashcacunata yachachiccunapish: —Cai runaca ñucanchic ch'icanyachishca juchayuccunahuan tandarishpa micunllami— nishpa, huashalla rimarinacurcacuna.

SAN LUCAS 7:39

Chashna ruhuacta ricushpami, micungapac Jesusta c'ayac fariseoca: “Cai runaca Diosmanta huillactac cashpaca, ima shina causac huarmi paipac chaquipi tuparicuctaca yachanmanchari. Cai huarmica millaillapi causac huarmimi” nishpami yuyacurca.

HECHOS 14:2

Ashtahuanpish Jesusta mana cric israelcunaca criccunahuan ama apanacuchunmi, mana israelcunaman panda yuyaita curcacuna.

HECHOS 13:45

Chashna mana israelcunapish achcacuna tandanacushcata israelcuna ricushpami, p'iñarishpa: “Pablo yachachishcaca yangallami” nishpa c'amircacuna.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN LUCAS 13:34

¡Aij, Jerusalenpi causaccunalla! Cancunaca Diosmanta ñaupa huillaccunataca huañuchiccunami canguichic. Diosmanta huillachun cachashcacunatapish rumicunahuan shitaccunami canguichic. Cancunataca tauca cutinmi mama huallpa huahuacunata c'ayashpa ucllac shina, tandachisha nircani. Chashna tandachisha nicucpipish, cancunaca mana uyarcanguichicchu.

SAN LUCAS 5:30

Chaita ricushpa fariseocunapish,*f** mandashcacunata yachachiccunapish Jesuspac yachacuccunataca: —¿Ima nishpatac cancunaca impuestota japiccunahuanpish, ñucanchic ch'icanyachishca caishuc juchayuccunahuanpish tandanacushpa micucunguichic, ubiacunguichic?— nishpa tapurcacuna.

SAN MATEO 20:11

Chashna pagacpimi, chai chagrayuc amota cashna nishpa

1 TESALONICENSES 2:16

Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

2 CORINTIOS 5:20

Shina cashcamantami ñucanchicca Cristopac randi huillachun cachashca huillaccuna canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dioshuan alli tucuichic” nishpa mañacunchic.

ROMANOS 10:19

Shinallatac: “Israelcunaca caicunataca, ¿manachu entendircacuna?” nishpami cutin tapuni. ¡Ari, entendircacunami! Chaimantami Diosmanta Moisés punta huillashpaca: “Mana ñucapaclla caccunata acllashpami, cancunataca ‘cambacllami canchic’ nichisha. Imatapish mana yachaccunata acllashpami, cancunataca p'iñachisha” ninmi.

HECHOS 14:19

Antioquía pueblomantapish, Iconio pueblomantapish maijan israelcuna*f** shamushpaca, gentecunata jatarichishpami, Pablotaca rumicunahuan shitashpa, huañunalla tucungacaman macarcacuna. Chaimantaca: “Ñami huañun” nishpa, siricta aisashpa, chai pueblomanta llucchircacuna.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

MARCOS 1:40

Lepra*f** ung:uihuan cac shuc runa Jesuspacman cuchuyashpa, paipac ñaupapi cungurishpaca: —Can ñucata alliyachisha nishpaca, alliyachinguimanllami— nishpa, mailla mañarca.

SAN LUCAS 15:27

Chashna tapucpica: ‘Cambac huauquimi chayamushca. Pai allilla chayamushcamantami, cambac taitaca huira huagrata huañuchichishpa cushicucun’ nirca.

SAN LUCAS 15:29

Chashna nicpica: ‘Taita, ñucaca cai tucui huatacunatami can ima nishcata ruhuashpa servishcani. Chashna cacpipish ñuca ricsishcacunahuan cushicuchunca, shuc chivollatapish mana cushcanguichu.