SAN LUCAS 15:24 - Nuevo Testamento en Quichua Cañar 1996

²⁴ Cai ñuca churica, huañushca shina chingarishcami carca. Cunanca causaric shinami cutimushca’ nirca. Chaimantaca munaimi cushicui callarircacuna.

Dios Rimashcata Quillcashcami

²⁴ Ñuca churica, huañushcami carca, causarishcami. Chingarishcami carca, cunanca cutimushcami” nirca. Chashnami yallita cushicui callarirca.

SAN LUCAS 15:24 Referans Kwoze

EFESIOS 2:5

Chashna c'uyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Taita Dios c'uyashcallamantami, cancunaca quishpirishca canguichic.

COLOSENSES 2:13

Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Taita Diosca juchacunata perdonashpami, Jesucristohuan pacta causachirca.

SAN LUCAS 19:10

Runa Tucungapac shamushca*f** ñucaca, juchapi chingarishcacunata mashcashpa, quishpichingapacmi shamurcani— nirca.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

SAN LUCAS 15:4

“Maijan cancunapuramanta pasac ovejacunata charishpa shuc oveja chingaricpica, caishuc iscun chunga iscunta michina pambapi saquishpa, chai chingarishca ovejata taringacaman, ¿manachu mashcangapac ringuichicman?

SAN LUCAS 15:32

Cai cambac huauquica, chingarishcamantaca huañushca shinami carca. Cunan cutimushpaca, causarishca shinami. Chashna cashcamantami jatun micuita ruhuashpa, cushicuna canchic’ ” nirca.

ROMANOS 6:11

Chashnallatac cancunapish juchata ruhuangapacca, huañushca shinami cana canguichic. Shina cashpapish Diospacta ruhuangapacca causacuc shinami, Cristohuan shuc shinalla cana canguichic.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

ROMANOS 12:15

Cushilla caccunahuanca cushicuichic. Llaquilla caccunahuanca llaquilla caichic.

SAN JUAN 11:25

Shina nicpi Jesusca: —Ñucami causaita cucpish, huañushcacunata causachicpish cani. Maijanpish ñucata cricca huañushpapish causaringami.

EFESIOS 5:14

Chashna achic luzman llucchicpica, imapish luzpimi canga. Chaimantami: “Suiñushcamanta ricchari, huañushcacunapuramanta jatari. Cristomi cantaca achicyachinga” nincuna.

1 CORINTIOS 12:26

Cuerpopi shuc parte llaqui tucucpica, caishuc partecunapish llaquirincunami. Shinallatac shuc parte allita japicpica, tucui partemi cushicuncuna.

1 TIMOTEO 5:6

Ashtahuanpish quiquin munaillata ruhuashpa causac viuda huarmica, causacushpapish huañushca shinami.

ROMANOS 11:15

Israelcunata Dios shitacpimi, tucui cai pachapi causaccunaca Diospacman cuchuyai pudircacuna. Shina tucucpica, israelcunata Dios chasquicpicarin, huañushcacuna causarishca shinami canga.

ROMANOS 6:13

Imapish mana allicunata cancunapac cuerpo ruhuachunca, mana saquinachu canguichic. Chaipac randica ña mana juchata ruhuangapac huañushpa, ña causarishca shina cancunapac cuerpotaca Diospacllata ruhuachun paillaman cuichic.

SAN JUAN 5:21

Ima shinami ñuca Taitaca huañushcacunata causachishpa causaita cun, shinallatacmi ñucapish paipac Churi cashpa, causaita maijanman cusha nishpaca cuni.

MARCOS 8:22

Chai q'uipami, Betsaida puebloman Jesusca paipac yachacuccunandic chayarca. Chaipica, shuc ñahui mana ricuc runata Jesuspacman pushamushpaca: —Cambac maquihuan tuparishpa, alliyachishpa cuiyari— nishpami, mailla mañarcacuna.

APOCALIPSIS 3:1

Sardis pueblopi cac tandanacushca criccunata ricuc angelmanpish cashna nishpa quillcai: Diospac canchis Espirituta shinallatac canchis lucerota charicucca, cashnami nini: Ñucaca cancuna imata ruhuacushcatapish, shinallatac ‘causacunmi’ nishca cashpapish huañushca shina cashcatami yachani.

SAN JUDAS 1:12

Chashna cashcamantami cancuna tandanacushpa micuicunapica, paicunaca jatun pinganayaita ruhuashpa mapayachincuna. Chashna cashpami paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca p'uyuta huaira caiman, chaiman apacuc shinami. Paicunaca p'ucuna punzha mana p'ucuc yura shina, shinallatac sapimanta p'itishca yura shina cashpami, ishcai cutin huañushcacuna.

SAN LUCAS 10:19

Ñucami cancunataca culebracunata, alacrancunata sarushpapish, mana ima tucucta ruhuarcani. Shinallatac ima millaita aticcuna cachunpish ruhuarcani. Chaimanta imapish cancunataca mana imata ruhuangachu.

SAN MATEO 8:22

Chashna nicpi Jesusca: —Saqui, huañushca shina causaccuna huañushcacunata enterrachun. Canca ñucata c'atilla— nirca.

SAN LUCAS 9:60

Chashna nicpi Jesusca: —Saqui, huañushca shina causaccunaca huañushcacunata enterrachun. Canca shamui, Taita Dios mandacucmanta alli huillaita huillagringui— nirca.

SAN LUCAS 15:23

Cunanca jatun micuita ruhuashpa cushicungapac, shuc alli huira huagrata apamushpa huañuchichic.

SAN LUCAS 15:25

Chashna ruhuacucpica, caishuc punta churica chagrapimi carca. Chagramanta huasiman ña chayamucushpaca, tocaccunatapish, tulun ninacushpa bailacuccunatapish uyarcami.