SAN LUCAS 15:17 - Nuevo Testamento en Quichua Cañar 1996

¹⁷ Chashna puricushpallami: ‘¡Ñuca taitapac huasipica, paipac serviccunaca micunata atichicunchari! Ñucaca caipi yarcaihuan huañucuni.

Dios Rimashcata Quillcashcami

¹⁷ Chaimantami paipac shungupica: “¡Ñuca taitapac huasipica, serviccunapish micunata atichicungami! Ñucaca caipi yarcaihuanmi huañucuni.

SAN LUCAS 15:17 Referans Kwoze

EFESIOS 5:14

Chashna achic luzman llucchicpica, imapish luzpimi canga. Chaimantami: “Suiñushcamanta ricchari, huañushcacunapuramanta jatari. Cristomi cantaca achicyachinga” nincuna.

HECHOS 2:37

Chaipi caccunaca Pedro chashna huillacta uyashpami, shungupi mai llaquirishpa Pedrotapish, Jesús acllashca caishuc huillaccunatapish: —Huauquicuna, ¿imatatac ruhuana canchic?— nishpa tapurcacuna.

SAN LUCAS 16:23

Chai chayuc runaca ucu pachapi munai llaqui nanaihuan cashpami, huichailla ricushpa Abrahamtapish, shinallatac paipac cuchupi tiyacuc Lazarotapish ricurca.

SAN LUCAS 8:35

Chaita uyac gentecuna Jesuspacman ña chayamushpaca, supaicunata llucchishca, churanatapish churashca, ña alli yuyaihuan Jesuspac ñaupapi tiyacuctami chai runataca ricurcacuna. Chashna ricushpaca, munaimi mancharircacuna.

SAN LUCAS 15:16

Paica yarcaihuan huañucushpami, cuchicuna micunata micusha nishpa yuyacurca. Chashna yuyacucpipish, pi mana imata cararcachu.

HECHOS 12:11

Chaimantami Pedro ña yuyaita japishpaca: “Ñucata huañuchingapac chapacuc israelcunapac*f** maquimantapish, Herodespac maquimantapish quishpichichunmi, Mandac Diosca paipac angelta cachashca” nirca.