SAN LUCAS 14:13 - Nuevo Testamento en Quichua Cañar 1996

¹³ Ashtahuanpish shuc jatun micuita carangapac c'ayashpaca, huacchacunatapish, mana imata ruhuaipaccunatapish, suchucunatapish, ñahui mana ricuccunatapish c'ayangui.

Dios Rimashcata Quillcashcami

¹³ Ashtahuanpish jatun micuita ruhuashpaca, huacchacunatapish, ungushcacunatapish, suchucunatapish, ñahui mana ricuccunatapish cayangui.

SAN LUCAS 14:13 Referans Kwoze

SAN LUCAS 14:21

Chashna ninacucpica, chai amo cachashca runa cutimushpaca, paicuna ima nishcatami amoman huillarca. Chashna huillacpica, amoca munai p'iñarishpami: ‘Shinashpaca, cunantac rilla. Plazacunapi, pueblo ñancunapi puricuc huacchacunatapish, mana imata ruhuaipaccunatapish, suchucunatapish, ñahui mana ricuccunatapish pushamugri’ nishpa cacharca.

HEBREOS 13:2

Maijanpish huasiman chayaccunata cushilla chasquinataca, ama cungaringuichicchu. Chai shina pi cashcata mana yachashpa chasquishpami, maijancunaca angelcunata chasquishcacuna.

SAN MATEO 22:10

Chashna cachacpi serviccunaca mai ñancunaman llucshishpa, pipish ricurictami alli cachun, mana alli cachun bodaman c'ayamurcacuna. Chashnami boda huasipica, gentecunaca jundarca.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

1 TIMOTEO 3:2

Shina cashcamanta tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, mana yalli pucllaric, mana maipish cachun causac, huasiman chayaccunatapish alli chasquic, yachachinatapish alli yachachicmi cana can.

TITO 1:8

Chai mana allicunata ruhuanapac randica, huasiman maijan chayacpipish alli chasquic, imatapish allita ruhuac, cashcata ruhuac, Diospaclla ch'icanyarishca, alli yuyaiyuc, shinallatac tucui ima millaimanta quiquinllatac jarcaricmi cana can.

FILEMÓN 1:7

C'uyashca huauqui, cambac c'uyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

HECHOS 9:39

Chai runacuna “jacu” nicpica, Pedroca paicunahuan rircallami. Pai ña chaiman chayacpica, huañushca velaricuc ucumanmi pusharcacuna. Chai ucuman yaicucpica, viuda huarmicuna Pedrota muyushpami, Dorcas causacushparac ruhuashca churanacunata ricuchishpa huacarcacuna.

SAN LUCAS 11:41

Cancunaca imalla charishcata huacchacunaman caraccuna caichic. Chashna cacpica, tucuimi jahuashca shina chuyanlla canga.

SAN MATEO 15:30

Jesús chaipi tiyacucpimi, achca gentecunaca suchucunatapish, ñahui mana ricuccunatapish, maqui illaccunatapish, mana rimaccunatapish, shinallatac tauca ungushcacunatapish apamushpa, Jesuspac ñaupapi churarcacuna. Paicunataca tucuitami alliyachirca.

SAN LUCAS 14:12

Shinallatac Jesusca chai micuiman c'ayac runatapish cashnami nirca: —Ima micuiman c'ayashpapish, cambac alli ricsishcacunallata, huauquicunallata, cambac quiquin familiacunallata, cambac cuchullapi causac chayuccunallataca ama c'ayanguichu. Chaicunata c'ayacpica, paicunapish canta c'ayashpa, can carashcamantaca cutichingami.

SAN LUCAS 14:14

Chashna mana cutichishpa caraipaccunaman carashcamantaca, cushicunguimi. Shina ruhuacpimi, Dios alli nishcacuna causarimui punzhapica, Taita Diosca canmanca cutichinga— nirca.