SAN LUCAS 13:34 - Nuevo Testamento en Quichua Cañar 1996

³⁴ ¡Aij, Jerusalenpi causaccunalla! Cancunaca Diosmanta ñaupa huillaccunataca huañuchiccunami canguichic. Diosmanta huillachun cachashcacunatapish rumicunahuan shitaccunami canguichic. Cancunataca tauca cutinmi mama huallpa huahuacunata c'ayashpa ucllac shina, tandachisha nircani. Chashna tandachisha nicucpipish, cancunaca mana uyarcanguichicchu.

Dios Rimashcata Quillcashcami

³⁴ ¡Aij, Jerusalenpi causaccunalla! Dios ima nishcata huillaccunataca huañuchiccunami canguichic. Dios huillachun cachashcacunatapish rumihuan shitaccunami canguichic. Cancunataca tauca cutinmi mama huallpa huahuacunata ucllac shina, tandachisha nircani. Chashna tandachisha nicucpipish, mana uyarcanguichicchu.

SAN LUCAS 13:34 Referans Kwoze

HECHOS 7:52

Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic.

SAN LUCAS 23:28

Chai huacacuc huarmicunata Jesús tigraricushpa ricushpaca: —Jerusalenpi causac huarmicunalla, ama ñucamantaca huacaichicchu, ashtahuanpish cancunallamantatac, cancunapac huahuacunamantapish huacaichic.

SAN LUCAS 19:44

Cai pueblota urmachishpa, tucui caipi causaccunata huañuchingacunami. Shuc rumillapish pircashcaca mana saquiringachu. Taita Dios quishpichingapac shamucpi mana chasquishcamantami, chashna llaquita apanguichic” nirca.

SAN MATEO 22:6

Shinallatac shuccunaca, jatun mandac c'ayac cachashca serviccunataca japishpami, macashpa huañuchircacuna.

SAN MATEO 22:3

paipac serviccunata bodaman c'ayashcacunata c'ayac cachacpi, mana shamusha nic shinami.

APOCALIPSIS 11:8

Chashna huañuchicpica, jatun pueblo ucupi tiyac callecunapimi paicunapac cuerpoca siricunga. Chai pueblollapitacmi paicunata Mandac Apunchic Jesustaca chacatashpa huañuchircacuna. Chashna jatun pueblo nishpaca, Sodoma pueblota, shinallatac Egipto llactatami chimbapurashpa nisha nin.

HECHOS 8:1

Estebanta huañuchicta Saulo ricushpaca: “Allitami ruhuanguichic” nishpami cushicurca. Chai punzhallatacmi Jerusalén pueblopi tandanacushca criccunataca, munai llaquichi callarircacuna. Chaimantami criccunaca Judea llactata, Samaria llactata miticushpa rircacuna. Ashtahuanpish Jesús acllashca huillaccunallami mana maiman rishpa saquirircacuna.

HECHOS 7:59

Paicuna rumicunahuan shitacucpimi, Estebanca: “Apunchic Jesús, ñuca almata pushaiyari” nishpa mañarca.

SAN LUCAS 15:28

Shina nicpi chai huauquica munai p'iñarishpami, mana yaicusha nirca. Chaimantami taita llucshishpaca: ‘Yaicuiyari’ nishpa mañarca.