SAN LUCAS 12:4 - Nuevo Testamento en Quichua Cañar 1996

⁴ Ñuca c'uyashca uyaccunalla, cuerpota huañuchiccunataca mana manchanachu canguichic. Ña huañuchishca q'uipaca, ashtahuan imata mana ruhuai pudincunachu.

Dios Rimashcata Quillcashcami

⁴ Ñuca cuyashca uyaccunalla, cuerpota huañuchiccunata ama manchanguichicchu. Huañuchishca quipaca, imata mana ruhuai pudinchu.

SAN LUCAS 12:4 Referans Kwoze

SAN MATEO 10:28

Cuerpota huañuchiccunataca mana manchanachu canguichic. Cuerpota huañuchishpapish, cancunapac almataca mana huañuchi pudingacunachu. Ashtahuancarin almatapish, cuerpotapish ucu pachaman cachac Taita Diostami manchana canguichic.

APOCALIPSIS 2:10

Cancunataca llaquicuna japigricunmi. Shina cacpipish ama manchanguichicchu. Chashnaca ‘¿crishpa c'atinchu, imami?’ nishpami, maijan cancunataca diabloca carcelpi churachinga. Chaipica chunga punzhatami llaquita apanguichic. Shina cacpipish huañungacaman ñucata c'atinguichiclla. Chashna c'aticpimi, huiñai causaita ricuchic coronata cusha.

FILIPENSES 1:28

Cancunata p'iñaccunataca ama manchanguichicchu. Chashna cancuna mana manchashpa huillashpaca, paicunaca chingarinalla cashcata, shinallatac cancunaca quishpirishca cashcatami ricuchinguichic. Tucui chaica Taita Diosmantami.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.

SANTIAGO 2:23

Chashnami Dios quillcachishcaca pactarca. Chaipica: “Abrahamca Taita Diosta crircami. Chashna crishcamantami Taita Diosca paihuan alli tucuchun chasquirca” ninmi. Chaimantami Abrahamtaca Taita Diosca “ñucahuan apanacucmi cangui” nirca.

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

HECHOS 4:13

Pedropish Juanpish mana manchashpa, allita rimacta uyashpami, chai mandaccunaca: —¿Ima shinatac cai maipi yachacungapacllapish mana rishca, yanga runacunaca chashna rimancunayari?— nishpa, mana amirircacuna. Chaimantami paicunaca Jesushuan puriccuna cashcata yachac chayarcacuna.

SAN JUAN 15:13

Maijanpish paihuan apanacucmanta huañucmi, yallita c'uyashcataca ricuchin.