SAN LUCAS 10:9 - Nuevo Testamento en Quichua Cañar 1996

⁹ Chai pueblopi ungushcacuna tiyacpipish, alliyachinguichic. Shinallatac ‘Taita Diosca ñami cancunata mandagrin’ nishpa huillanguichic.

Dios Rimashcata Quillcashcami

⁹ Chai pueblopi ungushcacuna tiyacpica alliyachinguichic. Paicunataca: “Diosca ñami mandagrin” ninguichic.

SAN LUCAS 10:9 Referans Kwoze

SAN MATEO 3:2

Pai huillashpaca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nirca.

SAN JUAN 3:5

Shina nicpi, Jesusca cashnami nirca: —Maijanpish yacuhuan, Diospac Espirituhuan mana huacharicca, Dios mandacucmanca manatac yaicungachu. Chaica chashnatacmi canga.

SAN LUCAS 10:11

‘Ñucanchic chaquicunapi c'atirishca allpatapish, cancuna llaquita apana cashcata ricuchingapacmi, caillapitac chaspishpa saquinchic. Ashtahuanpish Taita Dios cancunata ña mandagricushcataca, alli yuyaringuichic’ nishpa huillanguichic.

HECHOS 28:31

Taita Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcataca huillac carca.

SAN LUCAS 9:2

Chaimantaca Taita Dios mandacucmanta huillagrichunpish, shinallatac ungushcacunata alliyachichunpish cacharcami.

HECHOS 28:28

Caitaca alli yachaichicyari: Mana israelcunamanmi*f** Taita Diosca quishpirinamanta huillachun cachashca. Paicunami uyangacuna— nirca.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

MARCOS 6:13

Shinallatac supai japishca gentecunamantapish, achcacunamantami supaicunata llucchishpa cacharcacuna. Shinallatac achca ungushcacunatapish, aceiteta umapi churashpa alliyachircacunami.

MARCOS 4:30

Jesusca caitapish parlarcami: —Taita Dios mandacucca, ¿ima shina cashcatatac yuyachisha? ¿Ima parlohuantac chimbapurashpa parlasha?

SAN MATEO 4:17

Chaimanta pachami Jesusca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nishpa huillai callarirca.

SAN LUCAS 10:10

Mai puebloman cancuna yaicucpi mana chasquishun nicpica, ñanman llucshishpa: