SAN LUCAS 10:40 - Nuevo Testamento en Quichua Cañar 1996

⁴⁰ María tiyacucpica, Martaca caita chaita ruhuana yuyaillami ucupica carca. Chaimantami Jesuspacman cuchuyashpaca: —Apunchic Jesús, ñuca ñañanca cai tucui ruhuanacunata ñucallaman saquishcataca, ¿manachu ricungui? Ñucata ayudachun cachaiyari— nirca.

Dios Rimashcata Quillcashcami

⁴⁰ Martaca caita chaita ruhuana yuyaillami ucupica carca. Chaimantami Jesuspacman cuchuyashpaca: —Apunchic Jesús, ñuca ñaña cai tucui ruhuanacunata ñucallaman saquishcataca, ¿manachu ricungui? Ñucata ayudachun cachaiyari— nirca.

SAN LUCAS 10:40 Referans Kwoze

SAN JUAN 6:27

Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

SAN LUCAS 12:29

Chaimanta ima mana tiyacpipish: ‘¿Imatatac micushun, imatatac ubiashun?’ nishpa, ama chai yuyailla puricunguichicchu.

SAN MATEO 16:22

Chashna nicpi Pedroca paillata c'ayashpaca: —Apunchic Jesús, ¡can nicushcataca Taita Dios amatapish munachun! ¡Chaica manatac tucungachu!— nishpa, sinchita nirca.

SAN MATEO 14:15

Ña amsayamucucpimi, yachacuccuna paipacman cuchuyashpaca: —Ña amsayamucunmi. Caipica ima huasillapish mana tiyanchu. Gentecuna pueblocunaman rishpa, ima micunatapish randichun cachaiyari— nircacuna.

SAN LUCAS 9:55

Chashna nicta uyashpa Jesús tigraricushpaca: —Cancunaca ima yuyaihuan rimaricushcatapish mana yachanguichicchu.

MARCOS 3:21

Chaimantami Jesustaca: “Yuyai illac tucushpami puricun” nircacuna. Chaita yuyashpallatacmi paipac familiacunaca, Jesusta pushangapac shamurcacuna.

SAN LUCAS 10:38

Chai q'uipaca Jesús paipac yachacuccunandic rishpami, asha huasicuna tiyacman chayarcacuna. Chaiman chayacpica, Marta huarmimi paipac huasipi Jesustaca parachirca.

SAN LUCAS 10:41

Ashtahuanpish Jesusca: —Marta, Marta, canca ucupi imata ruhuanacunallapimi shunguta churashcangui.

SAN JUAN 11:1

Chai punzhacunapica, Betania pueblomanta Lázaro runami ungushca cashca carca. Shinallatac paipac panicuna Mariapish, Martapish chai pueblollamantatacmi carca.

SAN JUAN 11:5

Jesusca Mariatapish, Martatapish, paicunapac turi Lazarotapish mai c'uyacmi carca.

SAN JUAN 12:2

Chaipimi Jesusta pagui nishpa, shuc micuita ruhuarcacuna. Chaipi micunata Marta caracucpimi, Lazaropish Jesushuan mizapi micushpa tiyacurca.