SAN LUCAS 10:28 - Nuevo Testamento en Quichua Cañar 1996

²⁸ Shina nicpi Jesusca chai runataca: —Allitami ningui. Chashna caicunata pactachishpaca, huiñai causaita charinguimi— nirca.

Dios Rimashcata Quillcashcami

²⁸ Shina nicpimi Jesusca: —Allitami ningui. Caicunata pactachishpaca, huiñai causaita charinguimi— nirca.

SAN LUCAS 10:28 Referans Kwoze

SAN MATEO 19:17

Chashna nicpi Jesusca: —¿Ima nishpatac alli canamanta tapungui? Allica, shucllami tiyan. Chaimanta huiñai causaiman yaicusha nishpaca, mandashcacunata pactachingui— nirca.

GÁLATAS 3:12

Moisés mandashcacunata pactachinaca mana crina shinachu, ashtahuanpish Dios quillcachishcapica: “Maijanpish mandashcacunata pactachicca, pai pactachishcamantaca causangami” ninmi.

ROMANOS 10:4

Maijanpish crishpalla Taita Dioshuan alli tucuchunca, Cristollami mandashcacunata pactachishpa, Taita Dioshuan alli tucuna cashcata pactachirca.

ROMANOS 3:19

Taita Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata cazuccunaman huillacun. Chaitaca yachanchicmi.

SAN LUCAS 7:43

Jesús chashna tapucpi Simonca: —Maijanmi ashtahuan achcata mañac runami ashtahuan c'uyanga, yuyanimi— nirca. Shina nicpi Jesusca: —Ari, allitami nishcangui— nirca.

MARCOS 12:34

Chashna mandashcacunata yachachic alli yuyaihuan cutichishcata Jesús uyashpami: —Canca Taita Dios mandacucmantaca mana carupichu cangui— nirca. Jesús chashna nicpica, pingaihuan pi imata mana ashtahuan tapurcacunachu.

ROMANOS 7:10

ñucaca huañushca shina tucurcani. Shinami chai mandashcacunaca causaita cunapac randica, ñucataca huañuiman aparca.