SAN LUCAS 10:2 - Nuevo Testamento en Quichua Cañar 1996

² Paicunataca: “Grano tandanaca achcami. Tandaccunaca ashallacunami. Chashna cashcamanta ashtahuan tandaccunata cachachun, Chagrayucman mañaichic.

Dios Rimashcata Quillcashcami

² Paicunataca: «Cosechanaca achcami. Cosechaccunaca ashallami. Chaimanta ashtahuan cosechaccunata cachachun, Chagrayucman mañaichic.

SAN LUCAS 10:2 Referans Kwoze

1 TESALONICENSES 5:12

C'uyashca criccuna, cancunapurapi Apunchic Jesuspacta ruhuashpa, cunashpa yachachiccunataca alli cazuichic nishpami mañanchic.

MARCOS 16:15

Shinallatac caitapish paicunataca nircami: —Cancunaca tucui llactacunata rishpa, quishpirinamanta alli huillaita tucui gentecunaman huillagrichic.

2 TIMOTEO 4:5

Chashna cacpipish canca llaquita apashpa, cambac ruhuana cashcata pactachinguilla. Ashtahuan alli yuyaihuan quishpirinamanta alli huillaitaca huillanguilla.

2 TESALONICENSES 3:1

Ña tucuchingapacca caitami nini: Cancuna chasquishca shinallatac, Apunchic Jesucristomanta huillashcata tucui llactacunapi sumacta utca chasquichunca, ñucanchicmanta Diosman mañaichic.

MARCOS 13:34

Tucui caicunaca, shuc amo caru llactaman ric shinami. Pai manarac rishpami, paita servic runacuna imallata ruhuana cashcataca mandashpa saquin. Huasita cuidactapish ‘alli chaparangui’ nishpami saquin.

1 TIMOTEO 4:10

Ñucanchicca causac Diospimi shunguta churashcanchic. Paica tucui cai pachapi causaccunata Quishpichicmi. Ashtahuancarin paita criccunatami quishpichin. Chaimantami maijancuna p'iñacpipish, llaquita apashpa paipactaca ruhuashpa c'aticunchic.

HECHOS 22:21

Ñuca chashna nicpica, Apunchic Jesusca: ‘Rilla. Ñucami cantaca caru llactacunapi causac mana israelcunapacman*f** cachagrini’— nirca.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

HECHOS 13:4

Chashna Diospac Espíritu paicunata cachacpica, Bernabeca Saulondicmi Seleucia puebloman chayarcacuna. Seleuciamantami, barcopi tiyarishpa Chipre llactaman rircacuna.

HECHOS 13:2

Shuc punzha paicuna ayunashpa, Taita Diosman mañashpa tiyacucpimi, Diospac Espirituca: “Bernabetapish, Saulotapish ñuca ruhuai nishcata ruhuachun cachaichic. Paicunataca ñami acllarcani” nirca.

HECHOS 11:19

Estebanta huañuchishpaca, caishuc criccunatapish llaquichi callaricpimi, maijan criccunaca Fenicia llactamanpish, Chipre llactamanpish, Antioquía pueblomanpish urata janacta miticushpa rircacuna. Paicuna chai llactacunaman rishpaca, quishpirinamanta alli huillaitaca israelcunallamanmi*f** huillarcacuna.

HECHOS 8:4

Chashna llaquichicucpi, Jerusalenmanta miticushpa ric criccunaca maita rishpapish, quishpirinamanta alli huillaita huillanataca manatac saquircacunachu.

SAN LUCAS 9:1

Jesusca paipac chunga ishcai yachacuccunata tandachishpami, tucui laya supaicunata llucchiclla, ungushcacunatapish alliyachicllacunata ruhuarca.

MARCOS 16:20

Yachacuccuna rishpaca, maipipish tucui gentecunamanmi huillarcacuna. Chashna huillacucpica, Apunchic Jesusmi imapipish paicunataca ayudac carca. Pi mana ruhuaipaccunata ruhuachishpami, Jesusca paicunahuan cashcataca ricuchicurca.]

SAN MATEO 20:1

Jahua pacha Taita Dios mandacucca, shuc chagrayuc amo paipac uvas chagrata pallachingapac, tutamanta utca gentecunata mashcangapac llucshic shinami.

FILIPENSES 2:25

Shinallatac Jesusmanta ñucanchic huauqui Epafroditotaca cachana alli caipac yuyachicpimi, cutichishpa cachagrini. Paimi llaquita apana cacpipish, mana manchashpa alli huillaitaca ñucahuan pacta huillacun. Ñucata ima ruhuanapipish ayudachunmi, cancunaca cachashca carcanguichic.

FILIPENSES 2:21

Caishuccunaca paicuna alli canallatami mashcancuna. Jesucristomanta allita ruhuanataca mana munancunachu.

1 CORINTIOS 12:28

Taita Diosca tandanacushca criccunapurapica, puntaca Jesús acllashca huillaccuna tiyachun, q'uipaca Dios ima nishcata huillaccuna tiyachun, chaipac q'uipaca yachachiccuna tiyachunmi munan. Shinallatac pi mana ruhuaipacta ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

COLOSENSES 1:29

Chashna ruhuangapacmi, llaquicunata apana cacpipish, Cristo imatapish ruhuaclla cashcahuan tucui yuyaihuan ruhuacunilla.

FILIPENSES 2:30

Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

1 TESALONICENSES 2:9

C'uyashca criccuna, ñucanchic micungapacca mana samarishpami, imatapish ruhuarcanchic. Chaitaca yuyaringuichicmi. Quishpirinamanta alli huillaita huillacushpaca, maijan cancunata micunata mañashpa mana llaquichingapacmi, tutapish, punzhapish imallata ruhuarcanchic.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli c'atishpa, tucui shunguhuan Diospac munaita alli yachashpa, Diospacta ruhuachunmi, punzhanta Taita Diosman mañacunlla.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

1 CORINTIOS 15:10

Shina cacpipish Dios c'uyashcallamantami, chashna cashca cashpapish, cunanca cashna cani. Pai ñucata c'uyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish Taita Dios c'uyashcallamantami ayudashpa ruhuachishca.

FILEMÓN 1:1

Jesucristomanta huillashpa puricucpi prezu japishca Pablomi, Jesusmanta huauqui Timoteondic, ñucanchic shina Diospacta ruhuac c'uyashca Filemonman caita quillcashpa cachanchic.

APOCALIPSIS 2:1

Efeso pueblopi cac tandanacushca criccunata ricuc angelman cashna nishpa quillcai: Chai canchis lucerocunata alli maquipi charicuc, shinallatac chai canchis curi candelerocunapac chaupipi puricucmi, cashna nini: