SAN LUCAS 10:14 - Nuevo Testamento en Quichua Cañar 1996

¹⁴ Taita Dios taripana punzhapica Tiro pueblopi, Sidón pueblopi causaccunata yallimi, cancunaca llaquichishca canguichic, ninimi.

Dios Rimashcata Quillcashcami

¹⁴ Taripana punzhapica Tiro pueblopi, Sidón pueblopi causaccunamanta yallimi llaquita apanguichic, ninimi.

SAN LUCAS 10:14 Referans Kwoze

ROMANOS 2:1

Chaimanta can cashpapish, pi cashpapish shuccunata juchanchishpaca, mana perdonashcachu cangui. Shinallatac shuccunata juchanchishpaca, canllatacmi llaquichingapac nishca cangui. Canpish paicuna shinallatacmi ruhuacungui.

ROMANOS 2:27

Maijanpish paipac aichapi mana circuncisionta ruhuashca cashpapish mandashcacunata pactachiccunaca, circuncisionta ruhuashca jahua, mandashcacunata yachashca jahua mana pactachiccunataca juchanchingami.

SAN JUAN 3:19

Paicunaca mana allita ruhuacushcamantami Achicyachic shamucpipish, paita mana munashpa amsapi causacunallata ashtahuan munarcacuna. Chashna cashpami, paicuna millaita ruhuashcamantaca llaquita apangacuna.

SAN MATEO 10:15

Sodoma pueblopi shinallatac Gomorra pueblopi causac millai gentecuna ima shinami llaqui tucurca, chaitapish yallimi chai pueblopi causaccunataca, Taita Dios taripana punzhapica llaquichishca canga. Chaica chashnatacmi canga.

SAN MATEO 11:21

“Corazín pueblopi causaccunalla, Betsaida pueblopi causaccunalla, ¡aij, imachari tucunguichic! Pi mana ruhuaipaccunata cancunapac pueblocunapi ruhuashca shinata Tiro pueblopi, Sidón pueblopi ñuca ruhuashca cacpica, paicunaca juchayuc cashcamanta llaquirishcata ricuchingapacca, utcamanmi sharpa churanata churarishpa, uchupahuanpish c'ahuirishpa, Taita Diosman cutirinman carcacuna.