SAN LUCAS 1:13 - Nuevo Testamento en Quichua Cañar 1996

¹³ Chashna mancharicucpimi, angelca cashna nirca: —Zacarías, ama mancharichu. Can mañashcataca Taita Diosca uyashcami. Cambac huarmi Elisabetca c'ari huahuatami charigrin. Chai huahuataca Juan shutitami shutichingui.

Dios Rimashcata Quillcashcami

¹³ Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 1:13 Referans Kwoze

HECHOS 10:31

Chashna ricurishpaca: ‘Cornelio, can mañashcataca Taita Diosca uyashcami. Shinallatac can tucui imallacunata mana chariccunaman cushcacunatapish ricushcami.

SAN LUCAS 2:21

Ña pusac punzha tucucpica, chai huahuata circuncisionta*f** ruhuachircacunami. Chaimantaca María manarac huicsayuc cacpi, ángel huillashca shutitami JESÚS nishpa shutichircacuna.

SAN MATEO 14:27

Shina mancharicucpimi Jesusca: —Upallaichic, ñucami cani. Ama mancharichicchu— nirca.

SAN MATEO 28:5

Chai huarmicunataca angelca: —Ama mancharichicchu. Cruzpi chacatashpa huañuchishca Jesusta mashcacushcataca yachanimi.

SAN LUCAS 1:30

Chashna yuyacucpi angelca: —María, ama mancharichu. Cantaca Taita Diosmi mai c'uyashpa acllashca.

MARCOS 16:6

Ashtahuanpish paica: —Ama mancharichicchu. Nazaret pueblomanta cruzpi chacatashca Jesustami cancunaca mashcacunguichic. Paica ña causarircami, ña mana caipichu. Maipi paita churashcapi ricuichic.

SAN MATEO 1:21

Paica shuc c'ari huahuatami charinga. Chai huahuataca JESÚS shutitami shutichingui. Paimi tucui pai acllashcacunataca juchacunamanta quishpichinga. Chaimantami chai shutica canga” nirca.

SAN LUCAS 1:14

Pai huacharicpica, mai cushicunguimi. Shinallatac shuccunapish achcacunami cushicungacuna.