SAN JUAN 8:53 - Nuevo Testamento en Quichua Cañar 1996

⁵³ ¿Canca ñucanchic taita Abrahamta yallichari canguiyari? Paipish, Diosmanta ñaupa huillaccunapish huañurcami. Canca, ¿imata yuyashpatac chashnaca nicunguiyari?— nircacuna.

Dios Rimashcata Quillcashcami

⁵³ ¿Canca Abrahamta yallichari cangui? Paipish, Dios ima nishcata huillaccunapish huañurcami. Canca, ¿ima nishpatac chashnaca nicunguiyari?— nirca.

SAN JUAN 8:53 Referans Kwoze

SAN JUAN 4:12

Cai yacu jundutaca ñucanchic ñaupa taita Jacobomi saquirca. Caillamantatacmi paipish, paipac huahuacunapish ubiaccuna carca. Shinallatac animalcunamanpish, caillamantatacmi ubiachiccuna carca. ¿Canca taita Jacobotapish atishpachari, ashtahuan yalli canguiyari?— nirca.

ROMANOS 9:5

Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

SAN JUAN 19:7

Shina nicpi israelcunaca: —Ñucanchicca shuc mandashcata charinchicmi. Chai mandashcapi nishca shinaca, paica ‘Diospac Churimi cani’ nishcamantaca huañunami can— nircacuna.

SAN JUAN 12:34

Shina nicpi, chaipi caccunaca: —Dios quillcachishcapica: ‘Quishpichic Cristo shamushpami, huiñaita causanga’ ninmi. Canca, ¿ima shinatac ‘Runa Tucungapac shamushcaca caspipi huarcushcami canga’ ninguiyari? ¿Pitac chai Runa Tucungapac shamushca nishcaca?— nircacuna.

SAN JUAN 10:33

Shina nicpi israelcunaca: —Ñucanchicca mana can ima allicunata ruhuashcamantachu rumicunahuanca shitashun ninchic, ashtahuanpish can rimashcahuan Taita Diosta p'iñachishcamantami shitashun ninchic. Canca ñucanchic shina runallami cangui. Chashna cashpapish Dios shina tucusha nishpami, chashnaca nicungui— nircacuna.

SAN JUAN 8:58

Shina nicpi Jesusca: —Manarac taita Abraham tiyacpimi, ñucaca ña tiyarcani. Chaica chashnatacmi can— nirca.

SAN JUAN 5:18

Jesús shina nicpica, mana samana punzhapi chai runata alliyachishcallamantachu p'iñai callarircacuna, ashtahuanpish “ñuca Taitaca Diosmi” nishpa Dios shina tucushcamantami, mandac israelcunaca ashtahuan p'iñashpa, Jesustaca huañuchinata yuyarcacuna.

SAN MATEO 12:6

Cancunamanca ñucaca Diosman mañana huasitapish yallimi cani, ninimi.

SAN MATEO 3:9

‘Ñucanchicca, ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacuichicchu. Ashtahuanpish ñucaca ninimi: Taita Diosca cai rumicunatapish Abrahampac huahua huahuacunata ruhuasha nishpaca, ruhuanmanllami.