SAN JUAN 8:43 - Nuevo Testamento en Quichua Cañar 1996

⁴³ ¿Ima nishpatac ñuca rimashcataca mana entendinguichic? Cancunaca ñuca rimashcata mana uyashun nishpami, mana entendinguichic.

Dios Rimashcata Quillcashcami

⁴³ ¿Ima nishpatac ñuca rimashcataca mana entendinguichic? Ñuca rimashcata mana uyashun nishpami, mana entendinguichic.

SAN JUAN 8:43 Referans Kwoze

SAN JUAN 5:43

Ñuca Taita cachashca shamucpipish, mana chasquinguichicchu, ashtahuanpish shuc runa pai quiquinllamanta huillashpa shamucpica chasquinguichicmanmi.

SAN JUAN 7:17

Maijanpish Diospacta ruhuana munaita chariccunami, ñuca yachachishcaca ñuca quiquin munaimanta cashcata, mana cashpaca Diosmanta cashcata yachac chayancuna.

HECHOS 7:51

Ashtahuanpish cancunaca upa shina cashpami, Taita Dios ima nishcata mana uyashpa, shungucaman sinchiyashca canguichic. Cancunapac ñaupa taitacuna shinami, Diospac Espiritutapish mana cazuccuna canguichic.

SAN JUAN 6:60

Jesús chashna yachachishcata tauca paita c'aticcuna uyashpaca: —Maita mana caipaccunatami yachachin. ¿Pitac caitaca chasquingayari?— ninacurcacuna.

SAN JUAN 8:27

Jesús chashna huillashpaca Taita Diosmantami huillacurca, ashtahuanpish paicunaca chaitaca mana entendircacunachu.

ROMANOS 3:11

Alli yuyaita charicpish, pi mana tiyanchu. Diosmanta yachasha nicpish, pi mana tiyanchu.

SAN MATEO 13:15

Cai gentecunapac shunguca, rumi shina sinchimi tucushca. Chashna cacpimi paicunapac rinrica tapashca shina, ñahuipish huichcashca shina tucushca. Paicunaca ñahuihuan ricushpapish, rinrihuan uyashpapish, shunguhuan yuyarishpapish, ñucapacman ama cutirichun, shinallatac ñuca ama alliyachichun chashnaca tucushca’ nishcami.

SAN JUAN 5:25

Huañushca shina causaccuna Diospac Churi rimashcata uyana pachaca, ña chayamucunmi. Chaita uyana pachaca cunanllatacmi. Chaita uyaccunaca causaita charingami. Chaica chashnatacmi can.

SAN JUAN 8:33

Shina nicpi paicunaca: —Ñucanchicca ñaupa taita Abrahampac huahua huahuacunami canchic. Jaicapi pipac huatashca mana canchicchu. ¿Ima nishpatac canca cacharichingami ninguiyari?— nircacuna.

SAN JUAN 8:39

Shina nicpi paicunaca: —Ñucanchic taitaca Abrahammi— nircacuna. Shina nicpi, Jesusca cashnami nirca: —Cancuna Abrahampac huahuacunatac cashpaca, Abraham ruhuashca shinallatacmi ruhuanguichicman.