SAN JUAN 8:15 - Nuevo Testamento en Quichua Cañar 1996

¹⁵ Cancunaca gentecuna yuyashca shinami, pitapish juchanchinguichic. Ñucaca pitapish mana juchanchinichu.

Dios Rimashcata Quillcashcami

¹⁵ Cancunaca gentecuna yuyashca shinami juchanchinguichic. Ashtahuanpish ñucaca pita mana juchanchinichu.

SAN JUAN 8:15 Referans Kwoze

SAN JUAN 12:47

Maijanpish ñuca rimashcata uyashpa mana cazuctaca, mana ñucachu llaqui pachaman cachasha. Ñucaca cai pachapi causaccunataca mana llaqui pachaman cachangapac shamurcanichu, ashtahuanpish quishpichingapacmi shamurcani.

SAN JUAN 7:24

Ñahuita ricushpalla ama juchanchinguichicchu. Ima juchanchina cacpica, imatapish cashcatatac ricushpa juchanchinguichic— nirca.

SAN JUAN 3:17

Taita Diosca paipac Churitaca cai pachapi causaccunata llaqui pachaman cachachunca mana cacharcachu, ashtahuanpish cai pachapi causaccunata quishpichichunmi cacharca.

SAN JUAN 18:36

Shina nicpi Jesusca: —Ñuca mandanaca mana cai pachapichu. Cai pachapi mandana cacpica, ñucata c'aticcunaca macanacushpa, israelcuna japichunca mana saquinmanchu. Ñuca mandanaca mana caipichu— nirca.

1 CORINTIOS 2:15

Ashtahuanpish Diospac Espiritumanta yachanata munacca alli cashcatapish, mana alli cashcatapish yachanmi. Paitaca pi imata mana ni pudinchu.

ROMANOS 2:1

Chaimanta can cashpapish, pi cashpapish shuccunata juchanchishpaca, mana perdonashcachu cangui. Shinallatac shuccunata juchanchishpaca, canllatacmi llaquichingapac nishca cangui. Canpish paicuna shinallatacmi ruhuacungui.

SAN JUAN 8:11

Shina nicpi chai huarmica: —Mana, amito. Pi mana imata juchanchircachu— nirca. Shina nicpi Jesusca: —Ñucapish mana imata juchanchinichu. Rilla, cutinca ama juchallinguichu— nirca.]

SANTIAGO 2:4

Chai shina cancunapurallatac “caica allimi, chaica mana allichu” nishpa ch'icanyachishpaca, mana alli yuyaicunahuanmi ruhuacunguichic.

SAN LUCAS 12:14

Shina nicpimi Jesusca: —Ñucataca cancunapac juez tucushpa chaupichunca, ¿pitac churarca?— nirca.

2 CORINTIOS 5:16

Chashna cashcamantami ñucanchicca pitapish caimanta ñaupaman cai pacha gentecuna yuyashca shinaca, ña mana yuyanchic. Ñaupaman cai pacha gentecuna Cristomanta yuyashca shina yuyac cashpapish, cunanca ña mana chashna yuyanchicchu.