SAN JUAN 7:35 - Nuevo Testamento en Quichua Cañar 1996

³⁵ Shina nicpi, chai israelcunaca*f** paicunapura caishuc chaishuc tapunacushpaca: —Ñucanchic mana tarichunca, ¿maimanshi risha nin? Ñucanchicpuramanta Grecia llactapi chagrurishpa causaccunapacman rishpa, ¿chaipi mana israelcunamanchu yachachisha nin, imashi?

Dios Rimashcata Quillcashcami

³⁵ Chaimanta israelcunaca caishuc chaishuc tapunacushpaca: —Ñucanchic mana tarichunca, ¿maimanshi ringa? ¿Ñucanchicpuramanta Grecia llactaman rishcacunapacmanchu risha nin? ¿Chaipichu israelcunata yachachisha nin?

SAN JUAN 7:35 Referans Kwoze

SANTIAGO 1:1

Ñucaca Diospacta, Apunchic Jesuspacta ruhuac Santiagomi cani. Israelpac*f** chunga ishcai aillucuna shiguarishpa, caipi chaipi causac criccunata “allillachu canguichic” nishpami, cai quillcata cachani.

1 PEDRO 1:1

Ñucaca Jesús acllashca huillac Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

SAN JUAN 12:20

Chai Jerusalén fiestapi Diosta alli ningapac shamuccunapurapica, maijan griego*f** gentecunapish chaipimi carca.

2 TIMOTEO 1:11

Taita Diosmi cai alli huillaita huillanata ñucaman mingarca. Shinallatac huillac cachunpish, yachachic cachunpish ñucataca cacharca.

1 TIMOTEO 2:7

Tucui caicunata mana israelcunaman*f** huillashpa yachachichunmi, Jesusca ñucataca acllarca. Paicunamanca cashcata nic alli huillaita crichun nishpami yachachini. Ñucaca mana llullashpami, chashnatac cashcata nini.

COLOSENSES 1:27

Chashnami Taita Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

HECHOS 22:21

Ñuca chashna nicpica, Apunchic Jesusca: ‘Rilla. Ñucami cantaca caru llactacunapi causac mana israelcunapacman*f** cachagrini’— nirca.

HECHOS 21:21

Ashtahuanpish cantaca caru llactapi causac israelcunataca: ‘Moisés mandashcacunata ama cazuichicchu, cancunapac c'ari huahuacunatapish circuncisionta*f** ama ruhuaichicchu, shinallatac israelcuna imallata ruhuana cashcatapish ama ruhuaichicchu’ nishpa yachachicushcatami, maijancunaca yachac chayashcacuna.

HECHOS 11:18

Chashna nicta paicuna uyashpaca, ña mana imata nircacunachu. Ashtahuanpish: —¡Mana israelcunapish Taita Diosman cutirishpa, huiñai causaita charichunmi saquishca!— nishpami, Taita Diostaca “allimari cangui” nircacuna.

SAN JUAN 8:22

Chaita uyashpami mandac israelcunaca:*f** —¿Paillatac huañuchirinamantachu nicun, imashi? ¿Chaimantachu ñucanchictaca pai ricushcamanca mana rinata pudinguichicchu nicun, imashi?— ninacurcacuna.

SAN LUCAS 2:32

Mana Israelpura*f** gentecunamanpish, paica achicyachic shinami yuyaita cunga. Can acllashca israelcunatapish, paimantami alli ningacuna” nirca.

SAN MATEO 12:21

Tucui llactacunapi causaccunami paipi shunguta churashpa shuyangacuna” nishcami.

SAN JUAN 7:1

Chai q'uipaca, Galilea llactapimi Jesusca puricurca. Mandac israelcuna*f** huañuchishun nishpa chapacushcamantami, Judea llactapi canataca mana munarca.

HECHOS 11:20

Chashna cacpipish Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish*f** Apunchic Jesusmanta alli huillaitaca huillarcacunallami.

HECHOS 14:1

Iconio pueblopipish Pabloca Bernabendicmi israelcuna*f** tandanacuna huasiman yaicushpaca, Diosmanta alli huillaita huillarcacuna. Chashna huillacpimi, israelcunapish, mana israelcunapish*f** achcacuna Jesusta crircacuna.

HECHOS 17:4

Chashna yachachicpimi, tauca israelcuna crishpa Pablohuan, Silashuan puri callarircacuna. Chashnallatac Diosta yuyaric mana Israel*f** c'aricunapish, alli nishca huarmicunapish achcacunami crircacuna.

HECHOS 18:4

Pabloca samana punzhacunapica*f** tandanacuna huasiman rishpa, israelcunapish, mana israelcunapish*f** crichunmi, huillashpaca alli yachachic carca.

ROMANOS 1:16

Alli huillaica puntaca israelcunata,*f** mana israelcunatapish*f** maijanpish crictaca quishpichingapac, imatapish ruhuaclla Taita Diosmanta shamushcami. Chaimantami alli huillaita huillanataca mana pingani.