SAN JUAN 7:29 - Nuevo Testamento en Quichua Cañar 1996

²⁹ Taita Dios cachashca, paimanta shamushca cashcamantami, paitaca ricsini— nirca.

Dios Rimashcata Quillcashcami

²⁹ Ñucataca Diosmi cacharca. Paimanta shamushca cashpami, paitaca ricsini— nirca.

SAN JUAN 7:29 Referans Kwoze

SAN JUAN 8:55

Cancunaca paitaca mana ricsinguichicchu. Shina cacpipish ñucaca ricsinimi. ‘Ñuca mana ricsinichu’ nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

SAN JUAN 17:18

Ima shinami ñucata cai pachapi causaccunaman huillachun cacharcangui, chashnallatacmi ñucapish paicunataca cai pachapi causaccunaman huillachun cachacuni.

SAN JUAN 6:46

Taita Diostaca pipish mana ricushcachu, ashtahuanpish Taita Diospacmanta shamushca ñucallami ricurcani.

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

1 JUAN 4:14

Ñucanchicllatacmi Taita Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 4:9

Ñucanchic paimanta huiñai causaita charichunmi, Taita Diosca paipac shuclla Churita cai pachaman cachashpa, pai c'uyac cashcataca ricuchirca.

1 JUAN 1:2

Causaita cuctaca Taita Dios cachacpimi ricurcanchic. Chaita ricushpami paimanta cancunaman huillanchic, shinallatac chaica huiñai causaita cuc cashcata huillanchic. Paica Taita Dioshuanmi carca. Chaimanta shamushpami, ñucanchicmanca ricurirca.

SAN JUAN 13:3

Jesusca Taita Dios cachashca shamushcatapish, paipacman cutina cashcatapish, shinallatac pi mana ruhuaipaccunata Taita Dios ruhuachun cushcatapish yacharcami.