SAN JUAN 6:46 - Nuevo Testamento en Quichua Cañar 1996

⁴⁶ Taita Diostaca pipish mana ricushcachu, ashtahuanpish Taita Diospacmanta shamushca ñucallami ricurcani.

Dios Rimashcata Quillcashcami

⁴⁶ Pipish Diosta mana ricushcachu, ashtahuanpish paipacmanta shamushca ñucallami ricurcani.

SAN JUAN 6:46 Referans Kwoze

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

SAN JUAN 7:29

Taita Dios cachashca, paimanta shamushca cashcamantami, paitaca ricsini— nirca.

SAN LUCAS 10:22

Chashnallatacmi Jesusca: —Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna— nirca.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

1 TIMOTEO 6:16

Paillami huiñaita causacca. Paica pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

1 JUAN 4:12

Taita Diostaca jaicapi pipish mana ricushcachu. Shina cacpipish caishuc chaishuchuan c'uyanacushpa causacpica, Taita Diosca ñucanchichuanmi causan. Chashna c'uyanacushpami, Dios c'uyac cashcataca ashtahuan ricuchinchic.

COLOSENSES 1:15

Cristota ricushpami, pi mana ricushca Taita Diostaca ricunchic. Paica imapish manarac tiyacpi, ña tiyashca Taita Diospac Churimi.

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchanchishcachu canman carcacuna. Ashtahuanpish caicunataca ña ricurcacunami. Chashna cashca jahuami ñucatapish, ñuca Taitatapish p'iñancuna.

SAN JUAN 8:55

Cancunaca paitaca mana ricsinguichicchu. Shina cacpipish ñucaca ricsinimi. ‘Ñuca mana ricsinichu’ nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

SAN JUAN 8:19

Shina nicpi paicunaca: —¿Maipitac cambac taitaca?— nircacuna. Chaimanta Jesusca: —Cancunaca ñucatapish, ñuca Taitatapish mana ricsinguichicchu. Cancuna ñuca pi cashcata ricsishpaca, ñuca Taitatapish ricsinguichicmanmi— nirca.

SAN JUAN 5:37

Ñucata cachac Taitapish ñucamantami huillan. Shina cacpipish cancunaca jaicapi paitaca mana ricushcanguichicchu, shinallatac pai rimashcatapish mana uyashcanguichicchu.

SAN JUAN 14:7

Cancunaca ñucata ricsishpaca, ñuca Taitatapish ricsinguichicmanmi. Cunanmanta pacha ñucata ricushcamantaca, paitaca ña ricsinguichicmi— nirca.