SAN JUAN 21:12 - Nuevo Testamento en Quichua Cañar 1996

¹² Chaipimi Jesusca: —Shamuichic, micunguichic— nirca. Yachacuccunaca Apunchic Jesús cashcata yachashpami maijanllapish: “¿Canca pitac canguiyari?” nishpaca, mana tapusha nircacuna.

Dios Rimashcata Quillcashcami

¹² Chaipimi Jesusca: —Shamuichic, micunguichic— nirca. Yachacuccunaca Apunchic Jesús cashcata yachashpami maijanllapish: “¿Canca pitac canguiyari?” nishpaca, mana tapusha nircacuna.

SAN JUAN 21:12 Referans Kwoze

HECHOS 10:41

Mana tucuimanchu ricuchirca. Ñucanchic imalla ricushcata huillachun nishca, Dios ñaupaman acllashcacunallamanmi ricuchirca. Huañushcacunapuramanta Jesús causaricpica, ñucanchicca paihuanmi micurcanchic, ubiarcanchic.

SAN JUAN 16:19

Paicuna tapunata munacucta yachashpami, Jesusca cashna nirca: —‘¿Ñucata asha q'uipallaca ña mana ricunguichicchu, cutin asha q'uipallatacmi ricunguichic’ nishcata yachanata munashpachu tapunacucunguichic?

SAN JUAN 21:15

Micushca q'uipami, Jesusca Simón Pedroman tapushpaca: —Juanpac churi Simón, ¿caishuccunata atishpachu ñucata c'uyangui?— nishpa tapurca. Chashna tapucpi Pedroca: —Ari, Apunchic Jesús, canta c'uyac cashcataca canllatac yachanguimi— nirca. Chashna nicpi Jesusca: —Shinashpaca ñuca pactalla ovejacunata cuidangui— nirca.

MARCOS 9:32

Paicunaca imamanta chashna nicushcatapish mana entendircacunachu. Chashna mana entendishpapish, manchashpami mana tapurcacuna.

SAN JUAN 4:27

Shina parlacucpimi, paipac yachacuccunaca cutimushpa, chai huarmihuan Jesús parlanacucucta ricushpa mana amirircacuna. Chashna cacpipish: “¿Imatatac tapucungui? ¿Imatatac chai huarmihuanca parlacungui?” nishpaca, pi mana imata tapurcachu.

SAN LUCAS 9:45

Chashna nicpipish yachacuccunaca Jesús imamanta chashna nishcataca, Taita Dios mana yachana yuyaita cucpimi, paicunaca mana entendircacuna. Chashna mana entendishpapish, manchashpami mana tapurcacuna.

SAN MATEO 22:46

Jesús chashna nicpica, imata mana cutichircacunachu. Chai punzhamanta pachami pi ashtahuan imata mana tapurcacuna.

SAN JUAN 21:11

Chashna nicpimi, Simón Pedroca canoaman huichicushpa, jatun pescadocuna junda linchita japishpa, aisashpalla yacu pataman cuchuyachirca. Pescadocunaca pasac pichca chunga quimsami carca. Chashna cai tucui pescadocunahuan cashpapish, linchica mana lliquirircachu.