SAN JUAN 19:20 - Nuevo Testamento en Quichua Cañar 1996

²⁰ Jesusta chacatashcaca Jerusalén pueblo cuchullapi cashcamantami, achca israelcuna chai quillcashcata ricurca. Chai quillcashcaca hebreo rimaipi, latín*f** rimaipi, shinallatac griego*f** rimaipi quillcashcami carca.

Dios Rimashcata Quillcashcami

²⁰ Jesusta chacatashcaca Jerusalén pueblo cuchullapimi carca. Chaimantami achca israelcuna chai quillcata ricurca. Chai quillcaca hebreo rimaipi, latín rimaipi, griego rimaipimi carca.

SAN JUAN 19:20 Referans Kwoze

APOCALIPSIS 16:16

Chai millai espiritucunaca hebreo*f** rimaipi Armagedón nishca pambapimi tucui mandaccunata tandachirca.

HECHOS 26:14

Chashna achicyachicpica, tucui riccunami pambaman urmarcanchic. Chashna urmashpaca: ‘Saulo, Saulo, ¿ima nishpatac ñucataca p'iñashpa llaquichicungui? Canca puya puntapi huagra jaitashpa chugriric shinami, canllatac llaquita apacungui’ nishpa, hebreo*f** rimaipi rimactami uyarcani.

HECHOS 22:2

Hebreo rimaipi rimacta uyashpacarin, ashtahuanmi upallarcacuna. Chashna upallacpimi, Pabloca:

HECHOS 21:40

Shina nicpi pai huillachun saquicpica, chai gradapi Pablo shayarishpami, maquihuan gentecunata upallachirca. Paicuna ña upallacpica, hebreo*f** rimaipimi cashna nishpa huillarca:

HECHOS 21:37

Soldadocuna causana huasiman ña yaicuchigricucpimi, Pabloca soldadocunata mandactaca: —¿Manachu imata ni pudini?— nishpa tapurca. Shina nicpi chai mandacca: —Canca, ¿griego*f** rimaita yachanguichu?

SAN JUAN 19:13

Pilato chaita uyashpaca, Jesusta canzhaman llucchishpami pai mandashpa tiyanapi tiyarirca. Chai tiyanaca Gabata nishca pambapimi carca. Hebreo*f** rimaipica “Gabata” nishpaca, “rumihuan ruhuashca pamba” nisha ninmi.

SAN JUAN 5:2

Jerusalenpica ovejacuna ucuman yaicuna pungu cuchupimi, shuc uchilla yacu cucha tiyan. Chai cuchaca hebreo*f** rimaipica Betzata shutimi can. Chai cucha muyundictaca, pichca corredor shinata ruhuashpa c'atashcami can.

APOCALIPSIS 9:11

Chai animalcunata mandacca ucu pacha jutcu ucumanta llucshic angelmi carca. Chai angelpac shutica hebreo*f** rimaipica Abadón, shinallatac griego*f** rimaipica Apolión shutimi carca.

HEBREOS 13:12

Chashnallatacmi Jesuspish gentecunapac juchacunata anchuchingapacca, paipac quiquin yahuarta pueblomanta carupi jichashpa, llaquita apashpa huañurca.

SAN LUCAS 23:38

Jesusta chacatashca uma jahua caspipica, griego*f** rimaipi, latín*f** rimaipi, hebreo*f** rimaipi: “Caica Israelcunata Jatun Mandacmi” nishpa, quillcashca tiyacurca.

SAN JUAN 19:42

Israelcuna pascuapac*f** allichirina punzha chayamucushcamanta, shinallatac chai sepultura cuchullapi cashcamantami, Jesuspac cuerpotaca utca chaillapi churarcacuna.