SAN JUAN 19:18 - Nuevo Testamento en Quichua Cañar 1996

¹⁸ Chai urcupimi, Jesustaca ishcai runacunandic chacatarcacuna. Chaipica shuctaca shuc ladoman, shuctaca shuc ladoman chacatashpami, Jesustaca chaupipi chacatarcacuna.

Dios Rimashcata Quillcashcami

¹⁸ Chaipimi Jesustaca chacatarca. Ishcai runacunahuanmi shuctaca shuc ladoman, shuctaca shuc ladoman chacatashpa, Jesustaca chaupipi chacatarca.

SAN JUAN 19:18 Referans Kwoze

GÁLATAS 3:13

Shina cacpimi Moisés mandashcacunata ñucanchic mana pactachishpa, llaquiman rinalla cacpipish, Cristoca ñucanchicpac randi cruzpi llaquita apashpa quishpichirca. Dios quillcachishcapica: “Maijanpish cruzpi chacatashca huañucca, Dios llaquichishcami huañun” ninmi.

SAN JUAN 18:32

Chashnami, Jesús pai ima shina huañuna cashcata huillashcaca pactarca.

SAN MATEO 27:44

Jesushuan chacatashca cac shuhua runacunacamanmi paitaca c'amircacuna.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

SAN JUAN 19:32

Chashna mañacpimi, soldadocuna rishpaca, caishuctapish chaishuctapish Jesushuan chacatashcacunataca changacunata p'aquircacuna.

HECHOS 2:23

Chashna cashpapish Taita Dios ñaupaman yachashca, munashca shinallatacmi, Jesustaca cancunaman cucpi, prezu japishpa, millai runacunaman chacatachun cushpa huañuchircanguichic.