SAN JUAN 18:20 - Nuevo Testamento en Quichua Cañar 1996

²⁰ Chashna nicpimi Jesusca: —Ñuca yachachicushpaca, tandanacuna huasicunapipish, Diosman mañana huasipipish tucuipac ñaupapi imata mana pacashpami yachachircani.

Dios Rimashcata Quillcashcami

²⁰ Chashna tapucpimi Jesusca: —Ñucaca tandanacuna huasicunapipish, Diosta mañana huasipipish tucuipac ñaupapimi yachachircani. Mana pacalla yachachishcanichu.

SAN JUAN 18:20 Referans Kwoze

SAN JUAN 7:26

Riquichic, cunanca chaipimi tucuipac ñaupapi, pipish mana imata nishca rimaricun. ¿Paitaca mandaccunapish Quishpichic Cristomi nishpachu crincuna?

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

SAN LUCAS 21:37

Punzhaca Diosman mañana huasipimi Jesusca yachachic carca. Tutaca Olivos urcumanmi ric carca.

SAN JUAN 7:4

Pi mana ruhuaipaccunata shuctac llactacunapipish ruhuashpa, gentecunaman ricuchiyari. Maijanpish alli ricurisha nishpaca, mana pacallapi imatapish ruhuanchu— nircacuna.

SAN LUCAS 4:15

Jesusca israelcuna*f** tandanacuna huasicunapipish yachachircallami. Chashna yachachicpimi, tucui gentecuna paitaca “allitami yachachicun” nircacuna.

SAN MATEO 26:55

Shinallatac Jesusca paita japiccunataca: —¿Ñucataca shuhuata shinachu japingapac, cancunaca espadacunahuan, caspicunahuan shamunguichic? Punzhantami Diosman mañana huasipica yachachicurcani. Chashna yachachicucpipish, mana japircanguichicchu.

SAN MATEO 9:35

Jesusca tucui pueblocunatapish, llactacunatapish purishpami, israelcuna*f** tandanacuna huasicunapica yachachirca. Shinallatac Taita Dios mandacucmanta alli huillaita huillashpami, tucui laya ungushcacunatapish, nanaihuan caccunatapish alliyachishpa puricurca.

SAN JUAN 8:26

Cancunataca tauca ninacunatapish, juchanchinacunatapish charinimi. Shina cashpapish ñuca cai pachapi causaccunata imata nishpapish, ñucata Cachac imata nishcata uyashpallami nini. Paica cashcata nicmi— nirca.

SAN JUAN 8:2

Chai cayandic punzha ña pacarimucucpimi, Diosman mañana huasiman cutirca. Chaimanmi gentecunaca chayamurcacuna. Shina chayamucpimi, Jesusca tiyarishpa yachachi callarirca.

SAN JUAN 7:28

Chaita uyashpaca, Diosman mañana huasi ucupi yachachicushpami Jesusca sinchita cashna nirca: —Ñuca maimanta cashcatapish, pi cashcatapish yachanchicmi nishpami yuyanguichic. Shina cacpipish ñuca quiquinllamantatacca mana shamurcanichu, ashtahuanpish cashcata ruhuac Taita Dios cachacpimi shamurcani. Paitaca cancunaca mana ricsinguichicchu.

SAN JUAN 7:14

Chai fiesta punzhacuna ña chaupiyamucucpimi, Jesusca Diosman mañana huasiman yaicushpa yachachi callarirca.

SAN MATEO 26:65

Shina nicpi jatun mandac curaca munai p'iñarishpami, paipac churanata lliquishpaca: —Paita juchanchingapacca, piman ña mana ashtahuan tapunachu canchic. Cai runaca Dios tucushpa Diosta p'iñachicushcataca, ña cancunallatac uyashcanguichicmi.

HECHOS 26:26

Caicunaca mana pacallapichu chashna tucushca, ashtahuanpish caipi tiyacuc mandac Agripapish, chai tucui ima tucushcataca allimi yachan. Chashna cacpimi, ñucaca paipac ñaupapi imata mana manchashpa huillacuni.

SAN MATEO 24:26

‘Riquichic, shitashca pambapimi Quishpichic Cristoca’ nicpipish, ama cringuichicchu. Shinallatac ‘caipimi Quishpichic Cristoca miticushca tiyacun’ nicpipish, ama cringuichicchu.

MARCOS 8:32

Paipac yachacuccuna alli yachachunmi, chashna alli huillarca. Jesús chashna huillacpimi, Pedroca paillata c'ayashpa, ama chashna tucuchun nishpa rimarca.

SAN JUAN 6:59

Jesusca caicunatami Capernaum pueblopi tiyac israelcuna tandanacuna huasipica yachachirca.

SAN JUAN 18:21

Shinashpaca, ¿ima nishpatac ñucamanca tapungui? Ñuca nishcata uyaccunaman tapui. Paicunami imata nishcataca yachancuna— nirca.