SAN JUAN 18:12 - Nuevo Testamento en Quichua Cañar 1996

¹² Jesustaca soldadocunapish, soldadocunata mandacpish, shinallatac Diosman mañana huasita cuidaccunapish japishpami huatarcacuna.

Dios Rimashcata Quillcashcami

¹² Shinami soldadocunapish, soldadocunata mandacpish, Diosta mañana huasita cuidaccunapish Jesusta japishpa huatashpa,

SAN JUAN 18:12 Referans Kwoze

SAN JUAN 18:3

Shina cashcamantami Judasca achca soldadocunahuan, curacunata mandac curacunahuan, shinallatac fariseocuna*f** cachashca Diosman mañana huasita cuidaccunahuanpish chaiman chayarcacuna. Chai riccunaca macanacungapac macanacunahuan, michacunahuan, shinallatac linternacunahuanpish chayarcacuna.

SAN MATEO 26:57

Jesusta japishpaca, curacunata jatun mandac Caifaspac huasimanmi aparcacuna. Chaipica mandashcacunata yachachiccunapish, cunac yuyaccunapish tandanacushcami carcacuna.

HECHOS 21:37

Soldadocuna causana huasiman ña yaicuchigricucpimi, Pabloca soldadocunata mandactaca: —¿Manachu imata ni pudini?— nishpa tapurca. Shina nicpi chai mandacca: —Canca, ¿griego*f** rimaita yachanguichu?

HECHOS 21:31

Pablota ña huañuchigricucpimi, Roma*f** llactamanta huaranga soldadocunata mandacpacman maijancuna rishpaca: “¡Tucui Jerusalén pueblopi causaccunamari huaica p'iñarishpa caparicuncuna!” nishpa huillarcacuna.

SAN LUCAS 22:54

Chai q'uipami Jesustaca ña japishpa, curacunata jatun mandac curapac huasiman aparircacuna. Pedroca caru carullatami c'aticurca.

MARCOS 15:1

Tutamanta ña pacarimucucpimi, Israel*f** curacunata mandac curacunaca cunac yuyaccunahuanpish, mandashcacunata yachachiccunahuanpish, shinallatac caishuc mandaccunahuanpish parlanacungapac tandanacurcacuna. Chai q'uipami, mandac Pilatopac ñaupaman Jesustaca huatashpa aparcacuna.

MARCOS 14:53

Jesusta japishpaca, curacunata jatun mandac curapacmanmi aparcacuna. Chaipica tucui curacunata mandac curacunapish, cunac yuyaccunapish, mandashcacunata yachachiccunapish tandanacushcami tiyacurcacuna.

SAN MATEO 27:2

Shina yuyaita japishpami, Jesusta huatashpa chai llactata mandachun Roma*f** llacta churashca mandac Pilatopacman aparcacuna.

HECHOS 23:10

Chai tucui tandanacuipi caccuna p'iñanacui callaricpimi, huaranga soldadocunata mandacca: “Cunanca Pablotaca, ¡imatachari ruhuangacuna!” nishpa, munai mancharirca. Chaimantami Pablotaca chai tandanacushcacunapac chaupimanta llucchishpa, soldadocuna causana huasiman cutin apachun soldadocunata c'ayac cacharca.

SAN MATEO 27:27

Shina cucpimi, soldadocunaca Pilato mandashpa tiyana jatun ucuman Jesusta aparcacuna. Chaimanmi caishuc soldadocunataca, Jesuspac muyundicpi shayarichun c'ayarcacuna.

HECHOS 10:1

Cesarea pueblopica, Cornelio runami causarca. Paica Italia llactamanta pasac soldadocunata mandacmi carca.