SAN JUAN 17:9 - Nuevo Testamento en Quichua Cañar 1996

⁹ Ñucaca paicunamantami mañani. Cai pachapaclla causaccunamantaca mana mañanichu, ashtahuanpish ñucaman cushcacunaca cambac cashcamantami paicunamantaca mañani.

Dios Rimashcata Quillcashcami

⁹ Ñucaca paicunamantami mañani. Mana cai pachapac caccunamanta mañanichu, ashtahuanpish ñucaman cushcacunaca cambac cashcamantami paicunamanta mañani.

SAN JUAN 17:9 Referans Kwoze

HEBREOS 9:24

Apunchic Jesusca jahua pachapi ima shina cacllata ricuchic, gentecunalla ruhuashca carpa huasimanca mana yaicurcachu, ashtahuanpish ñucanchicmanta Taita Diosman mañangapacmi, jahua pacha Diospac ñaupamantatac yaicurca.

SAN JUAN 17:2

Canca huiñai causaita ñucaman cushcacunaman cuchunmi, tucui gentecunataca ñuca maquipi churashcangui.

SAN JUAN 17:6

Can cai pachapi causac gentecunamanta acllashpa ñucaman cushcacunamanca, can ima shina cashcataca huillashcanimi. Cambacmi carcacuna, shinallatac canmi ñucaman curcangui. Paicunaca can rimashca shimitaca cazushcacunami.

SAN JUAN 17:20

Ñucaca mana paicunallamantachu mañani, ashtahuanpish paicunapac huillashcata uyashpa, q'uipata ñucata criccunamantapish mañanimi.

SAN LUCAS 22:32

Chashna cacpipish ‘ña mana c'atishachu’ ama nichunca, ñucaca canmanta Taita Diosman mañarcanimi. Can llaquirishpa, Taita Diosman cutirishpaca, caishuc ñucata c'aticcunamanpish ñucata c'atichun alli yuyaita cungui— nirca.

1 JUAN 5:19

Ñucanchicca Taita Diospac huahuacuna cashcatami yachanchic, shinallatac cai pachapaclla causaccunataca diablo mandacushcatapish yachanchicmi.

SAN JUAN 14:16

Cancunaman shuctac Cushichicta cachachun, ñuca Taitaman mañashami. Chai Cushichicca huiñaitami cancunahuanca canga.

APOCALIPSIS 20:15

Huiñaita causangapac quillcachina libropi mana quillcashcacunataca, rupacuc nina cuchapimi shitashca carca.

APOCALIPSIS 13:8

Tucui cai pachapi causaccunami chai animaltaca “allimari cangui” ningacuna. Chaicunaca cai pachata Taita Dios ruhuashca punzhamanta pacha huiñaita causangapac quillcachina libropi mana quillcashcachu can. Chai librotaca huañuchishca cac Pactalla Ovejami*f** charicun.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

SAN LUCAS 8:34

Chashna tucucta ricushpami, cuchicunata michiccunaca callpashpa rishpa llactacunapipish, pueblocunapipish tucui ima tucushcata huillarcacuna.

SAN LUCAS 23:34

Chashna chacatacpipish Jesusca: —Ñuca Taitalla, perdonai. Cai gentecunaca ima ruhuacushcata mana yachancunachu— nirca. Cutin soldadocunaca Jesuspac churanacunata japinacungapacca, suertetami ruhuarcacuna.

SAN JUAN 6:37

Ñuca Taita ñucaman cushcacunallami ñucapacmanca shamun. Chai shina shamuccunataca manatac cutichishpa cachashachu.

SAN JUAN 6:39

Ñucata cachac Taitaca tucui ñucaman cushcacunata shucllatapish mana chingachishpa, tucuri punzhapi causachichunmi munan.