SAN JUAN 17:23 - Nuevo Testamento en Quichua Cañar 1996

²³ Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami c'uyangui, chashnallatac paicunatapish c'uyac cashcata yachangacuna.

Dios Rimashcata Quillcashcami

²³ Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami cuyangui, chashnallatac paicunatapish cuyac cashcata yachangacuna.

SAN JUAN 17:23 Referans Kwoze

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, shinallatac paicunapish ñucanchichuan shuc shinalla cachunmi mañani. Cai pachapi causaccuna ñucata can cachashca cashcata crichunmi, chashnaca mañani.

SAN JUAN 16:27

ashtahuanpish ñuca Taitallatacmi cancunataca c'uyan. Cancuna ñucata c'uyashcamantapish, ñuca Diosmanta shamushca cashcata crishcamantapish cancunataca c'uyanmi.

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.

SAN JUAN 13:35

Cancuna caishuc chaishuchuan c'uyanacucpica, tucui cai pachapi causaccunami ñucapac yachacuccuna cashcataca yachangacuna— nirca.

1 JUAN 1:3

Ima shinami Taita Dioshuan, shinallatac paipac Churi Jesucristohuan shuc shinalla canchic, chai shinallatac ñucanchichuan shuc shinalla cachunmi uyashcatapish, ricushcatapish cancunamanca huillanchic.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

COLOSENSES 3:14

Tucuimanta yallica, c'uyanacushpami causana canguichic. Chashna c'uyanacushpa causashpami, tucui mashna shuc shinalla sumacta causanguichic.

SAN JUAN 17:26

Can ñucata c'uyac shinallatac paicunapish c'uyanacuchun, shinallatac ñucahuan shuc shinalla cachunmi, can ima shina cashcataca ricsichini, shinallatac ricsichishpa c'atishami— nirca.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

SAN JUAN 14:23

Shina nicpimi, Jesusca cashna nirca: —Maijan ñucata c'uyacca, ñuca rimashcacunatami cazun. Shina cacpica, ñuca Taitapish c'uyanmi. Chaimanta ñucapish, ñuca Taitapish paihuanmi causangapac shamushun.

SAN JUAN 14:10

¿Manachu ñucaca ñuca Taitahuan, Taitaca ñucahuan shuclla cashcataca cringui? Cancunaman ñuca ima nishcapish mana ñuca munaimantachu, ashtahuanpish ñuca Taita ñucapi cashpami, pai munashcata ruhuachicun.

COLOSENSES 2:2

Paicuna tucui shunguhuan crishpa, c'uyanacushpa, sinchiyashpa c'atichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

FILIPENSES 3:15

Alli sinchi criccunaca chai shinallatacmi yuyana canchi. Ima shuc layata yuyacucpipish, Diosllatacmi cancuna alli yachachunca yuyaita cunga.

GÁLATAS 3:28

Jesucristohuan shuc shinalla tucushcamantaca, tucui mashnami shuc shinalla canguichic. Shina cacpica israel*f** cashpapish, mana israel*f** cashpapish, servic cashpapish, mana servic cashpapish, c'ari cashpapish, huarmi cashpapish mana ima canchu.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

SAN JUAN 6:56

Maijanpish ñuca aichata micucca ñuca yahuarta ubiacca, shuc shinallami ñucahuanca causan. Shinallatac ñucapish shuc shinallami paihuanca causani.

SAN JUAN 3:17

Taita Diosca paipac Churitaca cai pachapi causaccunata llaqui pachaman cachachunca mana cacharcachu, ashtahuanpish cai pachapi causaccunata quishpichichunmi cacharca.

1 JUAN 4:19

Taita Diosrac c'uyashcamantami ñucanchicpish paitaca c'uyanchic.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

SAN JUAN 10:38

Ñucaca ñuca Taita mandashcallatami ruhuani. Shina cashcamanta ñucata mana crishpapish, ñuca ruhuashcacunallatapish crichicyari. Chashna crishpami ñuca Taitaca ñucahuan cashcata, ñucaca paihuan cashcata alli yachanguichic— nirca.

SAN JUAN 15:9

Ñucaca ñuca Taita ñucata c'uyac shinallatacmi, cancunataca c'uyani. Cancunaca chashna c'uyanacushpa c'atichiclla.

SAN JUAN 17:3

Cai huiñai causaica, shuclla Taita Dios can cashcata, shinallatac can cachashca Jesucristota ricsinami.

SAN JUAN 17:8

Can huillachun nishcata ñuca huillacpica, paicunaca chasquircacunami. Shinallatac Taita Diosmantatac ñuca shamushcata yachac chayashpami, can cachashcata crincuna.

SAN JUAN 17:11

Ñucaca ña mana cai pachapi cagrinichu, cambacman shamugrinimi. Shina cacpipish, paicunaca cai pachapi saquirincunami. Jucha illac Taitalla, ñucapish canpish ima shinami shuclla canchic, shinallatac can ñucaman cushcacuna shuc shinalla cachun, can imatapish ruhuaclla cashcata ricuchishpa huacaichiyari.

APOCALIPSIS 3:9

Ñucaca Satanaspac*f** tandanacuimantami maijan manapish israelcuna*f** cashpa, ‘israelcunami canchic’ nishpa llullaccunataca cancunapac ñaupapi cungurichisha. Chashna ruhuacpimi ñuca cancunata c'uyashcataca yachangacuna.