SAN JUAN 17:1 - Nuevo Testamento en Quichua Cañar 1996

¹ Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

Dios Rimashcata Quillcashcami

¹ Chaicunata nishca quipa Jesús jahua pachata huichailla ricushpaca: —Ñuca Taitalla, ñucata japichina pachaca ñami chayamushca. Chaimanta cambac Churi canta jatunyachichun, cambac Churitapish jatunyachiyari.

SAN JUAN 17:1 Referans Kwoze

SAN JUAN 12:23

Shina huillacpimi, Jesusca cashna nirca: —Runa Tucungapac shamushca*f** ñucata sumacyachina punzhaca ña chayamushcami.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

SAN JUAN 7:39

Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

SAN JUAN 11:4

Jesús chaita uyashpaca: —Chai ung:uica mana huañuchic ung:uichu, ashtahuanpish Taita Diospish, paipac Churi ñucapish tucui imatapish ruhuaclla cashcataca ricuchingapacmi chai ung:uica— nirca.

MARCOS 14:41

Jesusca cai cutinhuanca ña quimsa cutin cutimushpami, paicunataca: —¿Cancunaca samashpa suiñucunguichicllachu? Ña jatarichic, Runa Tucungapac shamushca*f** ñucataca, juchayuc runacunapac maquipi japichina horasca ña pactamushcami.

SAN JUAN 11:41

Jesús shina nicpica, huañushca maipi cac jarcashca rumita cutichircacunami. Chai q'uipami, Jesusca jahua pachata huichailla ricushpaca: —Taitalla, ñuca mañashcata uyashcamantaca pagui ninimi.

SAN JUAN 8:20

Diosman mañana huasi ucupi tiyacuc cullquita Diosman cushpa churana cuchupimi, Jesusca caicunataca yachachirca. Shina cacpipish paita japina pacha manarac chayamucpimi, paitaca pi mana japircacuna.

SAN JUAN 7:30

Jesusta manarac prezuna pacha chayamushcamantami, prezushun nicushpapish paitaca pi mana japirircacuna.

SAN JUAN 16:32

Cunanca ñami chai punzhaca chayamun. Cunanllatacmi cancunaca ñucallata saquishpa, caita chaita ringuichic. Shina cacpipish mana ñucallachu cani, ashtahuanpish ñuca Taitaca ñucahuanmi.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.

SAN LUCAS 22:53

Punzhantami Diosman mañana huasipi cancunahuanca carcani. Chashna cacpipish cancunaca mana japircanguichicchu. Cunanca ñucata japina horas chayamucpimi, amsapi mandacuc supai yuyaita cushcamanta ñucataca japinguichic— nirca.

SAN LUCAS 18:13

Ashtahuanpish impuestota japic runaca carupi shayashpa, mana huichailla ricushpa, shungupi huactarishpa: ‘Taita Dioslla, ñucaca juchasapami cani. Ñucata llaquiyari’ nirca.