SAN JUAN 16:2 - Nuevo Testamento en Quichua Cañar 1996

² Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

Dios Rimashcata Quillcashcami

² Tandanacuna huasicunamanta llucchishpa cachangami. Shinallatac cancunata huañuchishpa, Diosmanmi alli ruhuanchic nina punzhami chayamunga.

SAN JUAN 16:2 Referans Kwoze

SAN JUAN 9:22

“Maijanpish ‘Jesusca Quishpichic Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, mandac israelcunaca ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

SAN MATEO 10:28

Cuerpota huañuchiccunataca mana manchanachu canguichic. Cuerpota huañuchishpapish, cancunapac almataca mana huañuchi pudingacunachu. Ashtahuancarin almatapish, cuerpotapish ucu pachaman cachac Taita Diostami manchana canguichic.

APOCALIPSIS 6:9

Pichca niqui unanchishcata Pactalla Oveja pascacpica, Diosmanta allita huillashcamanta huañuchishcacunapac almacuna altar ucupi cactami ricurcani.

SAN JUAN 12:42

Chashna pi mana crinchu nicpipish, mandac israelcunacamanmi taucacuna crirca. Ashtahuanpish tandanacuna huasimanta fariseocuna*f** llucchishpa cachanata manchashpami, paicunaca mana piman huillarcacuna.

SAN LUCAS 6:22

Runa Tucungapac shamushca*f** ñucata c'aticushcamanta pipish p'iñacpi, llucchishpa cachacpi, c'amicpi, ima millaita rimacpipish, ¡cushicuichic!

1 CORINTIOS 4:13

Ñucanchicta ima millaita rimacpipish, c'uyai shunguhuanmi cutichinchic. Cunan punzhacamanmi cai pachapi imapac mana valishca, millana mapata shina ñucanchictaca charincuna.

HECHOS 7:56

Chashna ricushpami, Estebanca: —Riquichic. Ñucaca jahua pacha pascarishpa, Runa Tucungapac shamushca*f** Jesusta Taita Diospac alli lado maquiman shayacuctami ricuni— nirca.

SAN MATEO 24:9

Chai punzhacunapimi cancunata llaquichishpa huañuchichun japichingacuna. Ñucata c'aticushcamantaca, tucuimi cancunataca p'iñangacuna.

SAN JUAN 9:34

Shina nicpi paicunaca: —Canca juchasapami huacharishcangui. ¿Chashna cashca jahuachu ñucanchicta juchanchisha ningui?— nircacuna. Chashna nishpami, paitaca paicunapac tandanacuimanta llucchishpa cacharcacuna.

HECHOS 5:33

Shina nicta uyashpaca, chai mandaccunaca munai p'iñarishpami, huañuchichishun nircacuna.

SAN JUAN 4:21

Shina nicpimi, Jesusca chai huarmitaca cashna nirca: —Cai ñuca nishcataca criyari: Mana cai urcullapi, mana Jerusalenllapi Taita Diosman mañana punzhacuna chayamucunmi.

FILIPENSES 3:6

Chaicunata cazuchisha nishpami, tandanacushca criccunataca p'iñashpa llaquichic carcani. Mandashcacunata alli pactachic cacpimi, pipish ñucataca imamanta mana juchanchic carcacuna.

SAN JUAN 4:23

Taita Diosman mana nic tucushpalla mañana punzhaca ñami chayamucun, cunanllatacmi chai punzhaca. Shina cacpica, Diospac Espíritu yuyaita cucpimi, Taita Dios ima shina cashcata yachashpatac mañangacuna. Chashna mañaccunatami Taita Diosca munan.

SAN JUAN 16:25

Tucui caicunataca chimbapurashpallami parlarcani. Shina cacpipish, ña mana ashtahuan chimbapurashca parlohuan parlana punzha chayamucpica, ñuca Taita ima shina cashcatatacmi cancunamanca huillasha.

SAN JUAN 16:32

Cunanca ñami chai punzhaca chayamun. Cunanllatacmi cancunaca ñucallata saquishpa, caita chaita ringuichic. Shina cacpipish mana ñucallachu cani, ashtahuanpish ñuca Taitaca ñucahuanmi.