SAN JUAN 16:11 - Nuevo Testamento en Quichua Cañar 1996

¹¹ Shinallatac cai pachata mandacta Taita Dios ña juchanchishca cashcamantami, ima shina taripana cashcataca ricuchinga.

Dios Rimashcata Quillcashcami

¹¹ Cai pachata mandacta Dios ña juchanchishca cashcamantami, imami taripana cashcataca ricuchinga.

SAN JUAN 16:11 Referans Kwoze

SAN JUAN 12:31

Cunanmi cai pachapi causaccunata taripashca cagrin. Shinallatac cunanllatacmi cai pachata mandactapish llucchishpa shitashca cagrin.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

COLOSENSES 2:15

Taita Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

SAN JUAN 14:30

Cai pachata mandac shamucushcamantaca, cancunahuanca mana ashtahuan parlacushallachu. Shina cacpipish ñucahuanca paica imata mana ricunata charinchu.

APOCALIPSIS 1:7

¡Cristoca ñallami p'uyupi shamunga! Paitaca tucuimi ricunga. Shinallatac paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Taita Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.

HEBREOS 9:27

Shinallatac tucui mashnami shuc cutinlla huañuna canchic. Chai q'uipami Taita Dios taripana punzhaca shamunga.

HEBREOS 6:2

Bautizarinamantapish, criccunapac uma jahuapi maquita churanamantapish, huañushcacuna causarinamantapish, huiñaita jatun llaquiman cachanamantapish ama cutinllatac yachacushunchic.

EFESIOS 2:2

Chashnami cancunaca cai pacha ima millaita c'atishpa, huairapi puric mandac millai espíritu munashcata ruhuashpa causacurcanguichic. Chai espiritumi Taita Diosta mana cazuccunataca mana allita ruhuachishpa mandacun.

1 CORINTIOS 4:5

Shinashpaca maijanta juchanchina cacpipish, Apunchic Jesús cutimungacaman amarac imata juchanchinguichicchu. Paimi amsapi imalla pacashcacunatapish, shungu imata yuyashcatapish punzhapi shina tucui ricuchinga. Shina cacpimi, Taita Diosca quiquin imata ruhuashcata ricushpa alli ninga.

HECHOS 10:42

Taita Diosca: ‘Mandac cashcahuanca Jesusmi huañushcacunatapish, causaccunatapish taripanga’ nishcami. Ñucanchicca chaita huillaccunami canchic.

SAN LUCAS 10:18

Chashna nicpi Jesusca: —Ari, Satanastaca*f** relampa shina jahuamanta urmacta ricurcanimi.

SAN MATEO 12:36

Cancunaman huillanimi: Taita Dios taripana punzhapimi, shuccunata llaquichishpa, mana alli rimashcacunaca yacharinga.

SAN MATEO 12:18

“Caipimi ñuca acllashca servicca. Paitami ñucaca c'uyani. Paihuanmi cushicuni. Paimanmi ñuca Espiritutaca cusha. Chashna cucpica, tucui llactacunapimi ñuca cashcata ruhuashpa mandana cashcataca huillanga.

ROMANOS 16:20

Chashnami sumac cushicui causaita cuc Taita Diosca Satanastaca*f** cancunapac chaqui sarunapi ñalla churanga. Ñucanchic Apunchic Jesusca cancunata mai c'uyashpa allicunata cushca cachun.

ROMANOS 2:16

Alli huillaita ñuca huillashca shina, tucui gentecuna pacalla ruhuashcata Taita Dios Jesucristomanta taripai punzhapimi chashnaca ricuringa.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

HECHOS 24:25

Pabloca Dios munashca shina causanamanta, mana alli munaita jarcarinamanta, imalla ruhuashcata Taita Dios taripana cashcamantapish huillacpimi, Felixca mancharishpa Pablotaca: —Cunanca rilla. Cutin uyasha nishpaca, c'ayachishallami— nirca.

SAN JUAN 16:12

Cancunaman imata ninataca chariniracmi. Shina cacpipish cancunaman yalli achca cacpimi, cunanca mana tucui huillani.