SAN JUAN 15:12 - Nuevo Testamento en Quichua Cañar 1996

¹² Cancunapish ñuca cancunata c'uyashca shinallatac, caishuc chaishuchuan c'uyanacuichic. Caimi ñuca mandashcaca.

Dios Rimashcata Quillcashcami

¹² Caitami ñucaca mandani: Ñuca cancunata cuyashca shina, caishuc chaishuc cuyanacuichic.

SAN JUAN 15:12 Referans Kwoze

1 JUAN 4:21

“Taita Diosta c'uyashpaca, criccunapurapish caishuc chaishuchuan c'uyanacuichic” nishpami, Apunchic Jesusca mandashca.

SAN JUAN 13:34

Mushuc mandashcatami cancunamanca saquini: Caishuc chaishuchuan c'uyanacuichic. Ñuca ima shinami cancunata c'uyani, chashnallatacmi cancunapish c'uyanacuna canguichic.

1 PEDRO 4:8

Tucuimanta yallica caishuc chaishuc c'uyanacuichic. Chashna c'uyanacushpaca, achca juchacunatami perdonanguichic.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuchuan c'uyanacuchunmi, ñucanchictaca mandan.

ROMANOS 12:10

Crishcamanta huauquindicpura cashcamantami, caishuc chaishuchuan c'uyanacuna canguichic. Shuccunaca quiquinta yalli cashcata yuyashpa, allimi nishpa yuyanami canguichic.

EFESIOS 5:2

Jesucristo ñucanchicta c'uyac shinallatac, cancunapish c'uyanacushpa causaichic. Paica c'uyashcamantami, Diosman cushpa rupachishca mishquiman ashnacuc shina cangapac, pai quiquinllatac japi tucushpa, ñucanchicmanta huañurca.

1 PEDRO 3:8

Ashtahuanpish cancunaca caishuc chaishuchuan c'uyanacushpa, llaquinacushpa, shuc shinalla yuyashpa, ama jatun tucushpa, alli shunguhuan causaichic.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

1 TESALONICENSES 4:9

Criccunapura c'uyanacuchun nishpaca, ña mana quillcanachu cani, ashtahuanpish Taita Diosllatacmi caishuc-huan chaishuchuan ima shina c'uyanacunataca ña yachachishca.

1 TESALONICENSES 3:12

Ñucanchic cancunata c'uyac shinallatac, cancunamanpish caishuc-huan chaishuc-huan, shinallatac shuctaccunahuanpish c'uyanacuna yuyaita Apunchic Jesús ashtahuan cuchunmi munanchic.

2 TESALONICENSES 1:3

C'uyashca criccuna, cancuna crishpa, ashtahuan sinchiyashpa c'aticushcamanta, shinallatac caishuc chaishuchuan ashtahuan c'uyanacushpa causacushcamantaca, Taita Diostaca pagui nina cacpitacmi pagui nicunchic.

SAN JUAN 15:17

Caishuc chaishuchuan c'uyanacuichic nishpami, caicunataca mandani.

2 JUAN 1:5

C'uyashca criccuna, cunanca caishuc chaishuchuan c'uyanacuchun nishpami mañani. Cai mandashcaca mana mushucchu, ashtahuanpish callaripi ñucanchicman mandashcallatacmi.