SAN JUAN 14:2 - Nuevo Testamento en Quichua Cañar 1996

² Ñuca Taitapac huasipi causanaca achcami tiyan. Chaipi mana causai tiyacpica, ñucallatacmi cancunamanca huillaiman carcani. Cunan rishpaca, cancuna causanata allichingapacmi rigrini.

Dios Rimashcata Quillcashcami

² Ñuca Taitapac huasipica achca causanami tiyan. Mana chai shina tiyacpica, huillaimanmi carcani. Cancuna causanata allichingapacmi rigrini.

SAN JUAN 14:2 Referans Kwoze

2 CORINTIOS 5:1

Ñucanchicca chingariclla cai pachapi tiyac carpa huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasi shina cuerpota charishcatami yachanchic. Chai huasica jahua pachapimi, Taita Dios allichishca tiyacun.

SAN JUAN 13:36

Jesusman Simón Pedro tapushpaca: —Apunchic Jesús, ¿maimantac rigringui?— nirca. Chashna nicpi Jesusca: —Ñuca maiman rigricushcamanca cancunaca mana c'atinata pudinguichicchu, ashtahuanpish q'uipatami c'atinguichic— nirca.

HEBREOS 13:14

Cai pachapica huiñaita mana chingaric pueblotaca mana charinchicchu, ashtahuanpish shamuc punzhapi mana tucuric shuc pueblo tiyanatami shuyacunchic.

APOCALIPSIS 21:2

Jahua pacha Diospac ñaupamanta Diospaclla cac mushuc Jerusalén pueblo, novio cusahuan tupangapac allichirishca shina urai shamucuctami ricurcani.

APOCALIPSIS 3:12

Maijanpish millaita mishaccunamanca, ñuca Diosman mañana huasi ucupi cac pilar shina canatami cusha. Chaimantaca jaicapi mana llucshingacunachu, shinallatac paicunapica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Taita Diospacmanta shamuc mushuc Jerusalenmi canga. Shinallatac paicunapica ñucapac mushuc shutitapish quillcashami.

HEBREOS 11:10

Ashtahuanpish Abrahamca maita mana chingaripac puebloman yaicusha nishpa shuyarca. Chai pueblotaca Diosllatacmi alli yuyarishpa shayachirca.

SAN JUAN 13:33

C'uyashca yachacuccuna, cancunahuanca ashacamanllami cagrini. Cancunaca ñucata mashcanguichicmi. Chashna cacpipish mandac israelcunaman*f** ima shinami nircani, shinallatacmi cancunamanca nini: Ñuca maiman rigricushcamanca, mana rinata pudinguichicchu.

SAN JUAN 16:4

Chai punzhacunapi ñuca ña utcaman nishcata yuyarichunmi, cashnaca nicuni. Ñuca cancunahuan cashcamantami, callaripica caicunataca manarac huillarcani.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinallatacmi, huiñaipac curacunata jatun mandac cura tucurca.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishaccunamanca ñucahuan mandachun ñuca mandashpa tiyarinapi ñucahuan tiyarichun cusha.

APOCALIPSIS 1:5

Shinallatac cai pachapi tiyac jatun mandaccunata Mandac, huañushcacunapuramanta punta causaric Jesucristo cancunaman sumac causaita cuchunmi munani. Paica Diosmanta allita huillacmi. Jesucristoca c'uyac cashpami paipac yahuarta jichashpa, juchapi huatashca shina causacucpi ñucanchictaca cacharichirca.

HEBREOS 9:8

Chashna cacpica Diospac Espiritumi, carpa huasi yaicushcalla ucu tiyashpa c'aticpica, Diospaclla ch'icanyachishca ucuman yaicuna manarac tiyashcata ricuchicurca.

TITO 1:2

Chai cashcata nic huillashcaca, cai pacha manarac tiyacpi cashcata nic Taita Dios cusha nishca, ñucanchic cushicushpa shuyacushca huiñai causaimantapish huillanmi.

1 TESALONICENSES 5:9

Ñucanchictaca Taita Diosca p'iñarishpa, llaquichingapacca mana acllarcachu. Chaipac randica, ñucanchic Apunchic Jesusmanta quishpirichunmi acllarca.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

SAN JUAN 14:28

‘Ñuca rishpaca, cutinllatac cancunahuan cangapac shamushami’ nishcataca, cancunallatac ña uyarcanguichicmi. Ñuca Taitaca ñucata yallimi. Chaimanta cancuna ñucata c'uyashpatacca, ñuca Taitapacman rina cashcata yachashpaca cushicunguichicmi.

SAN LUCAS 14:22

Amota servic runa ña tucui pushamushca q'uipaca: ‘Amito, ñami can mandashca shina pushamushcani. Shina cacpipish ucupica manarac jundanchu’ nirca.