SAN JUAN 14:19 - Nuevo Testamento en Quichua Cañar 1996

¹⁹ Asha q'uipallaca cai pachapaclla causaccunaca ña mana ñucataca ricungacunachu. Shina cacpipish cancunaca ricunguichicmi. Shinallatac ñuca causacushcamantaca, cancunapish causanguichicmi.

Dios Rimashcata Quillcashcami

¹⁹ Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

SAN JUAN 14:19 Referans Kwoze

SAN JUAN 16:16

Asha q'uipallaca ñucataca ña mana ricunguichicchu. Shina cacpipish cutin asha q'uipallamanca ricunguichicmi— nirca.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

SAN JUAN 7:33

Chaimantami Jesusca cashna nirca: —Ashacamanllami cancunahuanca cagrini. Q'uipataca ñucata Cachacpacmanmi rigrini.

SAN JUAN 11:25

Shina nicpi Jesusca: —Ñucami causaita cucpish, huañushcacunata causachicpish cani. Maijanpish ñucata cricca huañushpapish causaringami.

1 CORINTIOS 15:45

Dios quillcachishcapica: “Taita Diosca punta Adantaca causaiyuctami ruhuarca” ninmi. Cutin q'uipa Adantaca causaita cuc Espirituyuctami Taita Diosca ruhuarca.

SAN JUAN 16:22

Chai shinami cancunapish llaquiringuichic. Shina cashpapish ñuca cutin ricuricpica, cancunapac shunguca mai cushicungami. Chai cushicuitaca pi mana quichungachu.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

ROMANOS 5:10

Taita Dioshuan ñucanchic p'iñashca cacpiracmi, paipac Churi huañushcamanta paihuan alli tucuchun ñucanchictaca chasquirca. Ña Dioshuan alli tucushcamantami, Cristo causacushcamantaca ñucanchicta quishpichingalla.

1 CORINTIOS 15:20

Ashtahuanpish Cristotaca Taita Diosca huañushcacunapuramanta causachircatacmi. Paimi cric huañushcacuna causarina cashcata ricuchishpa, punta causaricca can.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 13:33

C'uyashca yachacuccuna, cancunahuanca ashacamanllami cagrini. Cancunaca ñucata mashcanguichicmi. Chashna cacpipish mandac israelcunaman*f** ima shinami nircani, shinallatacmi cancunamanca nini: Ñuca maiman rigricushcamanca, mana rinata pudinguichicchu.

SAN JUAN 12:35

Chaimantami Jesusca cashna nirca: —Asha punzhacamanllami Achicyachic-huanca canguichic. Chaimanta manarac tutayacpi, Achicyachic-huan cashcacamanca, achicpi purina canguichic. Amsapi puricca maiman ricushcatapish mana yachanchu.

SAN JUAN 8:21

Jesusca cutinllatacmi paicunamanca: —Ñucaca rigrinimi. Ñuca rishca q'uipaca mashcanguichicmi. Shina mashcashpapish, cancunaca juchallapitacmi huañunguichic. Ñuca maiman ricushcamanca mana rinata pudinguichicchu— nirca.

SAN JUAN 6:40

Ñuca Taitaca paipac Churita maijanpish ricushpa crishpaca, huiñai causaita charichunmi munan. Chaicunataca ñucami tucuri punzhapi causachisha— nirca.

HECHOS 10:41

Mana tucuimanchu ricuchirca. Ñucanchic imalla ricushcata huillachun nishca, Dios ñaupaman acllashcacunallamanmi ricuchirca. Huañushcacunapuramanta Jesús causaricpica, ñucanchicca paihuanmi micurcanchic, ubiarcanchic.

APOCALIPSIS 20:4

Chai q'uipaca mandashpa tiyarinacunapi taripanata chasquiccuna tiyacuctami ricurcani. Shinallatac Taita Diosmantapish, Jesucristomantapish huillashpa mana cungashpa c'atishcamanta, cungata p'itishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.