SAN JUAN 14:15 - Nuevo Testamento en Quichua Cañar 1996

¹⁵ Cancuna ñucata c'uyashpaca, ñuca mandashcacunata cazunguichic.

Dios Rimashcata Quillcashcami

¹⁵ Ñucata cuyashpaca, ñuca mandashcacunata cazunguichic.

SAN JUAN 14:15 Referans Kwoze

2 JUAN 1:6

C'uyanacushpa causanaca, Taita Dios mandashcacunata pactachinami. Chashna c'uyanacushpa causanami nishpa mandashcataca, callarimanta pachami cancunaca ña uyashcanguichic.

1 PEDRO 1:8

Cancunaca Apunchic Jesucristota mana ricushca cashpapish c'uyanguichicmi. Cunan mana ricushpapish paita crishpami, sumaimana cushicuita charinguichic. Chaimanta pagui ningapacca ima rimaillapish mana tiyanchu.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

SAN MATEO 10:37

Maijanpish paipac taita mamata ñucata yalli c'uyacca, mana ñucapacchu canga. Shinallatac maijanpish paipac huahuacunata ñucata yalli c'uyacca, mana ñucapacchu canga.

SAN JUAN 8:42

Shina nicpimi, Jesusca cashna nirca: —Taita Dios cancunapac taita cacpica, c'uyanguichicmanmi. Ñucaca Diosmanta shamushpami caipi cani. Mana ñuca munaimantachu shamurcani, ashtahuanpish Taita Diosmi cacharca.

1 CORINTIOS 16:22

Maijanpish Apunchic Jesusta mana c'uyactaca, Taita Dios llaquichishca cachun. ¡Ñucanchic Apunchic Jesús, shamuilla!

EFESIOS 6:24

Sumac mana chingaric c'uyaihuan ñucanchic Apunchic Jesucristota tucui c'uyaccunamanca, sumaimana c'uyaita Taita Diosca cushca cachun ninimi.