Biblia Todo Logo
Bib sou entènèt

- Piblisite -




SAN JUAN 14:12 - Nuevo Testamento en Quichua Cañar 1996

12 Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

Gade chapit la Kopi

Dios Rimashcata Quillcashcami

12 Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

Gade chapit la Kopi




SAN JUAN 14:12
28 Referans Kwoze  

Shina nicpi Jesusca: —Mana caita chaita yuyashpa Taita Diosta cricpica, mana cai higo yurallachu chashna tucunga, ashtahuanpish cai urcuta ‘caimanta anchuri, mama cuchaman shitari’ nicpica, shitarinmanllami. Chaica chashnatacmi.


Ñucata criccunaca pi mana ruhuaipaccunatami ruhuanga. Ñuca shutipimi supaicunatapish llucchishpa cachangacunami, jaicapi mana uyashca rimaicunatapish rimangacunami.


Ña tauca punzhacunata chashna nishpa ñucanchicta c'aticucllapimi, ña mana uyanachishpa Pabloca tigrarishpa, chai huambrapi cac supaitaca: —¡Jesucristopac shutipimi, cai huambramanta llucshi nini!— nirca. Chashna nicpi, supaica chai huambramantaca llucshircallami.


Chashna ungushcata ricushpami Pedroca: —Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.


Chaimantami Pablo churarishca churanacunatapish, liensocunatapish ungushcacunapac jahuapi churangapac apaccuna carca. Shina churacpica, ima ung:uihuan caccunapish alliyarcacunallami. Shinallatac supai japishcacunapish chai churanacunapi tuparicpica, supaicunaca llucshicllami carca.


Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca: —Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.


Supai japishcacunataca achcacunata alliyachicpimi, supaicunaca caparishpa llucshircacuna. Mana puriccunatapish, suchucunatapish achcacunatami alliyachirca.


Chashna mana amiripaccunata ruhuacta ricushpami, Pedro llandushpallapish alliyachichun, gentecunaca ungushcacunata huandumushcacunallapitac ñanman apamushpa churarcacuna.


Chaipi caccunamantaca taucacunami Pedro huillashcata cazushpaca bautizarircacuna. Chai punzhapica, quimsa huaranga shinami cric tucushpa, caishuc criccunahuan tandanacurcacuna.


Chashna ruhuacpipish, paicuna huillashcata uyashpa criccunaca c'aricunallami pichca huaranga shina carca.


Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.


Taita Dios Jesusta causachishpaca, jahua pachapi paipac alli maquimanmi tiyachirca. Chashnallatac Taita Diosca pai cusha nishca paipac Espirituta Jesusman cucpimi, paica ñucanchicman cachashca. Chaitami cunan cancunaca ricucunguichic, uyacunguichic.


Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.


Chaimantami Jesusca cashna nirca: —Ashacamanllami cancunahuanca cagrini. Q'uipataca ñucata Cachacpacmanmi rigrini.


Diospac Espíritu imatapish ruhuachicpimi, pi mana ruhuaipaccunatapish, pi mana ricushcacunatapish ruhuarcani. Chashnami Jerusalén pueblomanta callarishpa, Iliria llactacaman maipipish Cristomanta alli huillaitaca huillarcani.


Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.


Paicuna parlanacushpaca: —Cai runacunataca, ¿imatatac ruhuanchic? Paicuna pi mana ruhuaipacta ruhuashcataca, Jerusalenpi causaccunapish tucuimi alli yachancuna. Chaimanta ñucanchic ‘mana chashna ruhuarcachu’ nishpaca, mana ni pudinchicchu.


‘Ñuca rishpaca, cutinllatac cancunahuan cangapac shamushami’ nishcataca, cancunallatac ña uyarcanguichicmi. Ñuca Taitaca ñucata yallimi. Chaimanta cancuna ñucata c'uyashpatacca, ñuca Taitapacman rina cashcata yachashpaca cushicunguichicmi.


Jaicapi mana uyashca rimaicunahuan Taita Diosta “allimari cangui” nicucta uyashcamantami, chashna mancharircacuna.


Jesús acllashca huillaccunaca: “Apunchic Jesusca causarircami” nishpa, shungupi yaicuctami huillarcacuna. Taita Diosca criccunata mai c'uyashcamantami, imapish allicunataca tucuiman yallita curca.


Chashna yarcaihuan ricushpaca, carumanta shuc p'angasapa higo yura shayacuctami ricurca. “Chai yuraca ñami p'ucushca canga” nishpami, ricungapac rirca. Chai yuraman chayashpa ricucpica, manarac p'ucuna punzhacuna pactashcamanta chushac p'angallami junda carca.


Gentecuna nishca shinaca shucca tarpun, shucca granota tandacmi. Chaica chashnatacmi.


Ñuca Taitaca ñucata c'uyashcamantami, pai tucui imalla ruhuacushcataca ñucamanca ricuchin. Ashtahuanpish caicunamanta yalli ruhuashcacunatapish ricuchingaracmi. Chaita ricushpaca, cancunaca mana amirishpami saquiringuichic.


Swiv nou:

Piblisite


Piblisite