SAN JUAN 13:33 - Nuevo Testamento en Quichua Cañar 1996

³³ C'uyashca yachacuccuna, cancunahuanca ashacamanllami cagrini. Cancunaca ñucata mashcanguichicmi. Chashna cacpipish mandac israelcunaman*f** ima shinami nircani, shinallatacmi cancunamanca nini: Ñuca maiman rigricushcamanca, mana rinata pudinguichicchu.

Dios Rimashcata Quillcashcami

³³ Cuyashca yachacuccunalla, ashacamanllami cancunahuan cagrini. Cancunaca ñucata mashcanguichicmi. Mandac israelcunata nishca shinami cancunatapish nini: Ñuca maiman ricushcamanca, mana ri pudinguichicchu.

SAN JUAN 13:33 Referans Kwoze

1 JUAN 2:1

Ñuca c'uyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Taita Dioshuan rimactami charinchic. Paica imatapish cashcata ruhuac Jesucristomi.

SAN JUAN 14:19

Asha q'uipallaca cai pachapaclla causaccunaca ña mana ñucataca ricungacunachu. Shina cacpipish cancunaca ricunguichicmi. Shinallatac ñuca causacushcamantaca, cancunapish causanguichicmi.

1 JUAN 5:21

C'uyashca huahuacuna, ruhuashcalla dioscunata adoranamantaca huacaichiringuichic.

1 JUAN 4:4

C'uyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

GÁLATAS 4:19

C'uyashca huahuacuna, cutinllatacmi shuc huarmi sajuarina nanaihuan llaquita apacuc shina, cancunamanta llaquita apacuni. Chashnami cancuna Cristo causashca shina causangacaman llaquita apacushalla.

SAN JUAN 7:36

‘Ñuca maipi cashcamanca mana chayanata pudinguichicchu. Chaimantami cancunaca ñucata mashcashpapish mana taringuichic’ nishpaca, ¿imatashi nisha nin?— ninacurcacuna.

SAN JUAN 13:36

Jesusman Simón Pedro tapushpaca: —Apunchic Jesús, ¿maimantac rigringui?— nirca. Chashna nicpi Jesusca: —Ñuca maiman rigricushcamanca cancunaca mana c'atinata pudinguichicchu, ashtahuanpish q'uipatami c'atinguichic— nirca.

SAN JUAN 14:2

Ñuca Taitapac huasipi causanaca achcami tiyan. Chaipi mana causai tiyacpica, ñucallatacmi cancunamanca huillaiman carcani. Cunan rishpaca, cancuna causanata allichingapacmi rigrini.