SAN JUAN 13:22 - Nuevo Testamento en Quichua Cañar 1996

²² Chashna nicpimi, yachacuccunaca Jesús maijanta nicushcatapish mana yachashpa, caishuc chaishuc ñahuipura ricunacurca.

Dios Rimashcata Quillcashcami

²² Chaimantami yachacuccunaca pimanta nicushcata mana yachashpa, caishuc chaishuc ricunacurca.

SAN JUAN 13:22 Referans Kwoze

SAN LUCAS 22:23

Jesús chashna nicpica: —¿Maijantac paita japichicca canchic?— nishpami, caishuc chaishuc tapunacurcacuna.

MARCOS 14:19

Chashna nicpica llaquirinacushpami, caishuc chaishuc Jesusmanca: —¿Canta japichicca ñucachu cani?— nishpa tapurcacuna.

SAN MATEO 26:22

Chashna nicpica, munai llaquirishpami caishuc chaishuc Jesusmanca: —Apunchic Jesús, ¿canta japichicca ñucachu cani?— nishpa tapurcacuna.

SAN MATEO 26:21

Chashna mizapi micushpa tiyacushpami Jesusca: —Cancunapuramanta shucmi, ñucataca huañuchiccunaman japichinga. Chaica chashnatacmi canga— nirca.

MARCOS 14:18

Ña mizapi tiyarishpa micucushpami, Jesusca paipac yachacuccunataca: —Cancunapuramanta ñucahuan micucuc shucmi, ñucata huañuchiccunaman japichinga. Chaica chashnatacmi canga— nirca.

SAN LUCAS 22:21

Chashna cacpipish ñucata japichic runaca, ñucallahuantacmi cai mizapi micucun.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi nishcaca pactanatacmi can. Chaipica: ‘Ñucahuan micucucllatacmi ñucataca p'iñai callarirca’ ninmi.

SAN JUAN 13:21

Chaita nishca q'uipami, shungupi munai llaquirishpa Jesusca: —Cancunapuramanta shucmi ñucataca japichigricun. Chaica chashnatacmi can— nirca.