SAN JUAN 12:27 - Nuevo Testamento en Quichua Cañar 1996

²⁷ Cunanca yallita llaquillami ñucaca cani. ¿Cunanca imatac nisha? ¿‘Taitalla, cai llaquita yallita apana cashcata anchuchiyari’ nishachu? Shina cashpapish, caicunata pactachingapacmi shamurcani.

Dios Rimashcata Quillcashcami

²⁷ Cunanca yallita llaquillami cani. ¿Cunanca imatac nisha? ¿Taitalla, cai llaquimanta anchuchiyari nishachu? Mana chashna nishachu, llaquita apangapacmi shamurcani.

SAN JUAN 12:27 Referans Kwoze

SAN JUAN 12:23

Shina huillacpimi, Jesusca cashna nirca: —Runa Tucungapac shamushca*f** ñucata sumacyachina punzhaca ña chayamushcami.

HEBREOS 5:7

Apunchic Jesucristoca cai pachapi causacushparacmi, huañuimantapish quishpichic Taita Diosmanca caparishpa, huacashpa mañarca. Jesusca Pai mandashcata ruhuac cashcamantami, Taita Diosca uyarca.

SAN JUAN 13:21

Chaita nishca q'uipami, shungupi munai llaquirishpa Jesusca: —Cancunapuramanta shucmi ñucataca japichigricun. Chaica chashnatacmi can— nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, jayacta ubiana shina llaquicunata ñuca apanata mana jarcaipac cacpica, can munashca shina cachun— nishpami mañarca.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

SAN LUCAS 22:44

Jesús munai llaquihuan cashpami, ashtahuan Taita Diosman mañarca. Chashna mañacucpica, jumbipish yahuar shinami pambaman shuturca.

SAN JUAN 18:37

Chaita uyashpami Pilatoca: —Shinashpaca, ¿canca mandacchu cangui?— nicpi Jesusca: —Can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN LUCAS 22:53

Punzhantami Diosman mañana huasipi cancunahuanca carcani. Chashna cacpipish cancunaca mana japircanguichicchu. Cunanca ñucata japina horas chayamucpimi, amsapi mandacuc supai yuyaita cushcamanta ñucataca japinguichic— nirca.

1 TIMOTEO 1:15

Jesucristoca juchayuccunata quishpichingapacca cai pachamanmi shamurca. Chaica chashnatac cashcamantami tucui mashna crina canchic. Juchayuccunamanta nishpaca, ñucami yallita juchayucca cani.

SAN JUAN 11:41

Jesús shina nicpica, huañushca maipi cac jarcashca rumita cutichircacunami. Chai q'uipami, Jesusca jahua pachata huichailla ricushpaca: —Taitalla, ñuca mañashcata uyashcamantaca pagui ninimi.

SAN MATEO 11:25

Chai q'uipami Jesusca: “Jahua pachata cai pachata Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi, yachana yuyaita cushpa yachachishcangui.

SAN MATEO 11:26

Ari, ñuca Taitito, can chashna ruhuasha nishcamantami, chashnaca ruhuashcangui.

SAN MATEO 26:45

Chashna mañashca q'uipa, yachacuccunapacman Jesús cutimushpaca: —¿Cancunaca samashpa suiñucunguichicllachu? Ña jatarichic, ñami Runa Tucungapac shamushca*f** ñucataca, juchayuc runacunaman japichina horasca pactamushcami.