SAN JUAN 12:23 - Nuevo Testamento en Quichua Cañar 1996

²³ Shina huillacpimi, Jesusca cashna nirca: —Runa Tucungapac shamushca*f** ñucata sumacyachina punzhaca ña chayamushcami.

Dios Rimashcata Quillcashcami

²³ Shina huillacpimi Jesusca: —Runa Tucungapac shamushca ñucata jatunyachina punzhami chayamushca.

SAN JUAN 12:23 Referans Kwoze

MARCOS 14:41

Jesusca cai cutinhuanca ña quimsa cutin cutimushpami, paicunataca: —¿Cancunaca samashpa suiñucunguichicllachu? Ña jatarichic, Runa Tucungapac shamushca*f** ñucataca, juchayuc runacunapac maquipi japichina horasca ña pactamushcami.

SAN MATEO 25:31

Runa Tucungapac shamushca*f** ñuca mandangapac cutimushpaca, sumaimana cashcahuan achicyachishpa, tucui angelcunandicmi shamusha. Chashna cutimushpaca, jatun sumaimana tiyarinapimi tiyarisha.

SAN JUAN 12:16

Cai nishcata yachacuccunaca chai punzhapica imata mana entendircacunachu. Shina cacpipish Jesús causarishca q'uipami, tucui chai tucushcaca paimanta ñaupaman quillcachishca pactashcata yuyarircacuna.

SAN MATEO 26:45

Chashna mañashca q'uipa, yachacuccunapacman Jesús cutimushpaca: —¿Cancunaca samashpa suiñucunguichicllachu? Ña jatarichic, ñami Runa Tucungapac shamushca*f** ñucataca, juchayuc runacunaman japichina horasca pactamushcami.

MARCOS 14:35

Shina nishpaca, Jesusca ashata chainicman rishpami, pambapi tuparicta cumurishpa, Taita Diosman mañashpaca: —Ima shinamanta cai llaquita mana apaipac cacpica, cunan ñucamanta anchuchi.

SAN JUAN 7:39

Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.

SAN JUAN 12:27

Cunanca yallita llaquillami ñucaca cani. ¿Cunanca imatac nisha? ¿‘Taitalla, cai llaquita yallita apana cashcata anchuchiyari’ nishachu? Shina cashpapish, caicunata pactachingapacmi shamurcani.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.