SAN JUAN 12:2 - Nuevo Testamento en Quichua Cañar 1996

² Chaipimi Jesusta pagui nishpa, shuc micuita ruhuarcacuna. Chaipi micunata Marta caracucpimi, Lazaropish Jesushuan mizapi micushpa tiyacurca.

Dios Rimashcata Quillcashcami

² Chaipimi Jesusman shuc cenata ruhuarca. Chaitaca Martami caracurca. Lazaropish Jesus-huanmi mizapi micushpa tiyacurca.

SAN JUAN 12:2 Referans Kwoze

APOCALIPSIS 3:20

Riquichic, ñucaca ‘huasiyuc’ nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami. Paipish ñucahuan micungami.

SAN LUCAS 22:27

¿Maijantac punta alli nishcaca canga? ¿Mizapi micungapac tiyaricchu canga? Mana cashpaca, ¿micunata servicchu canga? Micungapac tiyaricmari, ashtahuan punta alli nishcaca can. Chashna cacpipish ñucaca servic shinallami cancunahuanca cani.

MARCOS 14:3

Jesusca Betania pueblopi lepra*f** ung:uimanta alliyashca Simonpac huasimanmi rirca. Jesús chaipi micushpa tiyacucpimi, shuc huarmica achca valic nardo mishquilla ashnacucta, alabastro rumimanta ruhuashca botellapi apashpa shamurca. Chai botella tapata pascashpami, mishquilla ashnacuctaca Jesuspac umapi churarca.

SAN LUCAS 14:12

Shinallatac Jesusca chai micuiman c'ayac runatapish cashnami nirca: —Ima micuiman c'ayashpapish, cambac alli ricsishcacunallata, huauquicunallata, cambac quiquin familiacunallata, cambac cuchullapi causac chayuccunallataca ama c'ayanguichu. Chaicunata c'ayacpica, paicunapish canta c'ayashpa, can carashcamantaca cutichingami.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 5:29

Leví runa Jesushuan rishpaca, paipac huasipimi jatun micuita ruhuarca. Chai huasipica, impuestota japic tauca runacunapish, shinallatac caishuc juchayuccunapish micucurcacunami.

SAN MATEO 26:6

Jesús Betania puebloman rishpaca, lepra*f** ung:uimanta alliyashca Simonpac huasipimi carca.