SAN JUAN 11:4 - Nuevo Testamento en Quichua Cañar 1996

⁴ Jesús chaita uyashpaca: —Chai ung:uica mana huañuchic ung:uichu, ashtahuanpish Taita Diospish, paipac Churi ñucapish tucui imatapish ruhuaclla cashcataca ricuchingapacmi chai ung:uica— nirca.

Dios Rimashcata Quillcashcami

⁴ Jesús chaita uyashpaca: —Chai ungüica mana huañuchic ungüichu, ashtahuanpish Diostapish, paipac Churi ñucatapish jatunyachingapacmi— nirca.

SAN JUAN 11:4 Referans Kwoze

SAN JUAN 11:40

Shina nicpi Jesusca: —‘Can crishpaca, Taita Dios imatapish ruhuaclla cashcataca ricunguimi’ nishpa, ¿manachu nircani?— nirca.

SAN JUAN 9:3

Shina tapucpimi, Jesusca cashna nirca: —Paica mana paipac juchamanta, shinallatac mana paipac taita mamapac juchamantachu chashnaca tucushca, ashtahuanpish Taita Dios imata ruhuana cashcata cai runapi ricuchingapacmi, chashnaca huacharirca.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota c'aticushcamanta c'amishpa rimacpica, cancunamanca mai cushicuimi canga.

SAN JUAN 5:23

Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi sumacyachishca carcani, shinallatac cunanpish sumacyachiyari.

SAN JUAN 2:11

Galilea llactapi tiyac Caná pueblopi Jesús chashna ruhuashpami, pipish mana ruhuaipaccunataca ruhuanata callarirca. Chashna ruhuashpami, paica pi mana ruhuaipaclla cashcata ricuchirca. Chashna ruhuacpimi, paipac yachacuccunaca pai Diosmanta shamushca cashcata crircacuna.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Taita Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca q'uipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 9:24

Shina nicpi, cutin chai ñahui mana ricuc cashca runata mandac israelcuna c'ayashpaca: —Diospac ñaupapi mana llullashpa huillai. Ñucanchicca chai runataca juchayuc cashcatami yachanchic— nircacuna.

SAN JUAN 8:54

Shina nicpimi, Jesusca cashna nirca: —Ñucallatac ‘allimi cani’ nirishpaca, imapish mana canmanchu. Ñucata alli nicca ñuca Taitami. Paillatatacmi cancunaca ‘ñucanchic Dios’ ninguichic.

ROMANOS 11:11

¿Cunanca imatatac nishun? ¿Israelcuna*f** mitcarishpa urmashpaca, chingarishca cangachu? ¡Mana chashna yuyanachu canchic! Ashtahuanpish israelcuna mana cazushcamanta paicunallatac quishpirina yuyaita charichunmi, mana israelcunatapish*f** Taita Diosca quishpichirca.

SAN JUAN 17:10

Tucui cambac cashcacunaca ñucapacmi, ñucapac cashcacunaca cambacmi. Shinallatac paicunami ñuca sumaimana cashcataca ricuchincuna.

SAN JUAN 12:28

¡Taitalla, can imatapish ruhuaclla cashcataca ricuchiyari!— nirca. Shina nicpi jahua pachamantaca: —Ña ricuchishcanimi. Cutinpish ricuchishami— nishcami uyarirca.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.

SAN JUAN 10:38

Ñucaca ñuca Taita mandashcallatami ruhuani. Shina cashcamanta ñucata mana crishpapish, ñuca ruhuashcacunallatapish crichicyari. Chashna crishpami ñuca Taitaca ñucahuan cashcata, ñucaca paihuan cashcata alli yachanguichic— nirca.