SAN JUAN 11:25 - Nuevo Testamento en Quichua Cañar 1996

²⁵ Shina nicpi Jesusca: —Ñucami causaita cucpish, huañushcacunata causachicpish cani. Maijanpish ñucata cricca huañushpapish causaringami.

Dios Rimashcata Quillcashcami

²⁵ Shina nicpimi Jesusca: —Ñucami causaita cucpish, huañushcacunata causachicpish cani. Ñucata cricca huañushpapish causaringami.

SAN JUAN 11:25 Referans Kwoze

1 TESALONICENSES 4:14

Ima shinami Apunchic Jesusca huañushca cashpapish causarishcata crinchic, chashnallatacmi Apunchic Jesusta crishpa, huañuccunataca Jesushuan pacta Dios causachina cashcata crinchic.

SAN JUAN 3:36

Maijanpish paita cricca huiñai causaita charinmi. Maijanpish paita mana cricca mana huiñai causaita charinchu, ashtahuanpish paitaca Taita Diosca p'iñacungallami.

SAN JUAN 1:4

Paillapitacmi causaica tiyarca. Chai causaimi gentecunapac Achicyachic carca.

SAN JUAN 5:21

Ima shinami ñuca Taitaca huañushcacunata causachishpa causaita cun, shinallatacmi ñucapish paipac Churi cashpa, causaita maijanman cusha nishpaca cuni.

SAN JUAN 6:44

Ñucata cachac Taita ñucapacman mana pushamucpica, pi mana shamunmanchu. Chai shamuccunataca tucuri punzhapi causachishami.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

SAN JUAN 6:35

Shina nicpi, Jesusca cashnami nirca: —Ñucami huiñai causaita cuc chai tandaca cani. Maijanpish ñucapacman shamucca manatac yarcachingachu. Shinallatac maijanpish ñucata cricca manatac yacunachingachu.

APOCALIPSIS 21:4

Paica ñahuicunamantapish tucui huiquita p'ichangami. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu— nirca.

FILIPENSES 3:10

Cunanca tucuimanta yallica Cristota ricsishpami, pai causarishca q'uipa imatapish ruhuaclla cashcata ricusha nini. Shinallatac pai llaquita apashpa huañushca shinallatacmi, ñucapish llaquita apana cacpipish pai shina huañusha nini.

APOCALIPSIS 20:5

Paicunami punta causariccunaca carca. Shina cacpipish chaishuc huañushcacunaca chai huaranga huatacuna pactangacamanca mana causarircacunachu.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 5:26

Ima shinami ñuca Taitaca causaita cun, shinallatacmi ñucamanpish causaita cuchun curca.

APOCALIPSIS 22:17

Diospac Espiritupish, Pactalla Ovejapac*f** huarmipish Jesustaca “shamui” ninmi. Shinallatac maijan caita uyacpish “shamui” nichun. Maijanpish yacunaihuan cashpa shamusha nicca shamushpa, causaita cuc yacuta mana imata cushpa ubiachunlla.

SAN JUAN 14:19

Asha q'uipallaca cai pachapaclla causaccunaca ña mana ñucataca ricungacunachu. Shina cacpipish cancunaca ricunguichicmi. Shinallatac ñuca causacushcamantaca, cancunapish causanguichicmi.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

APOCALIPSIS 22:1

Chai q'uipaca chai angelmi causaita cuc, cristalman riccha callpacuc yacuta ricuchirca. Chai yacuca Taita Diospacpish, Pactalla Ovejapacpish*f** tiyarinamantami llucshicun.

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachinga. Shinallatac cancunahuan pactami paipac ñaupamanca ñucanchictaca pushanga. Chaitaca yachanchicmi.

ROMANOS 4:17

Dios quillcachishcapica: “Tauca llactacunapi causaccunapac taitami cangui” ninmi. Abraham crishca Diosllatac chashna nicpimi, chashnaca tucun. Paimi huañushcacunatapish causachic, shinallatac ima mana tiyashcacunata ruhuac Diosca can.

SAN LUCAS 23:43

Chashna nicpimi Jesusca: —Cunanllatacmi jahua pacha sumac llactapica ñucahuan cagringui. Chaica chashnatacmi canga— nirca.

1 CORINTIOS 15:29

Shina cana cacpica, ¿imapactac huañushcacunapac shutipi bautizarincunayari? Huañushcacuna mana causarina cacpica, ¿imapactac paicunamantaca bautizarincunayari?

1 CORINTIOS 15:18

Chashna cacpica Cristota crishpa, ña huañushcacunapish huiñaita chingarishcami canman.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.