SAN JUAN 10:6 - Nuevo Testamento en Quichua Cañar 1996

⁶ Cai chimbapurashca parlohuan Jesús huillacpica, imata nisha nishcataca mana entendircacunachu.

Dios Rimashcata Quillcashcami

⁶ Cai chimbapurashca parlohuan Jesús yachachishpaca, imata nisha nishcataca mana entendircacunachu.

SAN JUAN 10:6 Referans Kwoze

SAN JUAN 16:25

Tucui caicunataca chimbapurashpallami parlarcani. Shina cacpipish, ña mana ashtahuan chimbapurashca parlohuan parlana punzha chayamucpica, ñuca Taita ima shina cashcatatacmi cancunamanca huillasha.

SAN MATEO 13:51

Jesús paipac yachacuccunaman tapushpaca: —¿Tucui caicunataca entendinguichicchu?— nicpi, paicunaca: —Ari— nircacuna.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 CORINTIOS 2:14

Diospac Espiritumanta yachanata mana munacca, pai cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

SAN JUAN 8:43

¿Ima nishpatac ñuca rimashcataca mana entendinguichic? Cancunaca ñuca rimashcata mana uyashun nishpami, mana entendinguichic.

SAN JUAN 8:27

Jesús chashna huillashpaca Taita Diosmantami huillacurca, ashtahuanpish paicunaca chaitaca mana entendircacunachu.

SAN JUAN 7:36

‘Ñuca maipi cashcamanca mana chayanata pudinguichicchu. Chaimantami cancunaca ñucata mashcashpapish mana taringuichic’ nishpaca, ¿imatashi nisha nin?— ninacurcacuna.

SAN JUAN 6:60

Jesús chashna yachachishcata tauca paita c'aticcuna uyashpaca: —Maita mana caipaccunatami yachachin. ¿Pitac caitaca chasquingayari?— ninacurcacuna.

SAN JUAN 6:52

Chaimantami israelcuna caishuc chaishuc rimanacushpaca: —Paipac quiquin aichataca, ¿ima shinatac carangayari?— ninacurcacuna.

SAN MATEO 13:34

Jesusca tucui caicunataca, yuyaita japina parlocunallahuanmi gentecunamanca yachachirca. Yuyaita japina parlota mana parlashpaca, mana yachachircachu.

MARCOS 4:34

Paicunamanca yuyaita japina parlocunallahuanmi imatapish yachachirca. Paipac yachacuccunallahuan cashpaca, ima nisha nishcatapish tucuimi entendichirca.

SAN JUAN 16:29

Shina nicpi yachacuccunaca: —Cunanmi ña mana chimbapurashca parlocunahuan parlashpa, entendinallatac huillacungui.

2 PEDRO 2:22

Ashtahuanpish paicuna chashna tucucpimi: “Allcupish pai ungushcallatatacmi cutin tigrachishpa micun. Cuchipish armarishca q'uipaca, cutinmi turupi singun” nishcaca pactashca.