SAN JUAN 10:18 - Nuevo Testamento en Quichua Cañar 1996

¹⁸ Ñucataca pi mana huañuchingachu, ashtahuanpish ñucallatac huañusha nicpimi, ñucataca huañuchingacuna. Ñucaca huañunatapish, causarinatapish pudinimi. Chashna ruhuachunmi, ñuca Taitaca mandarca— nirca.

Dios Rimashcata Quillcashcami

¹⁸ Pipish ñuca causaita mana quichungachu, ashtahuanpish ñucallatacmi cusha. Huañungapacpish, causarinatapish poderta charinimi. Chashna ruhuachunmi, ñuca Taitaca mandarca— nirca.

SAN JUAN 10:18 Referans Kwoze

HEBREOS 2:9

Ashtahuanpish Jesustaca, ashacamanlla angelcunamanta asha yangallata ruhuashpa, cunanca llaquita apashpa huañushcamanta Taita Dios sumac alli nishcata ruhuashcatami ricunchic. Taita Diosca tucui mashnata c'uyashcamantami, Jesús tucuipac allipac huañuchun nicpi paica huañurca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

SAN JUAN 10:17

Ñucaca huañuna cacpipish, q'uipaman causaringapacca huañushallami. Chaimantami ñuca Taitaca ñucata c'uyan.

SAN JUAN 14:31

Cai pachapi causaccuna ñuca Taitata ñuca c'uyac cashcata yachachun, shinallatac pai mandashcata pactachicushcata yachachunca, chashnallatacmi cana can. Jatarichic, caimanta jacuchic— nirca.

SAN JUAN 6:38

Ñuca jahua pachamanta shamushpaca, mana ñuca munashcata ruhuangapac shamurcanichu, ashtahuanpish ñucata cachac Taita munashcata ruhuangapacmi shamurcani.

SAN JUAN 15:10

Ima shinami ñuca Taitapac mandashcacunata pactachishpa, paipac c'uyashca cani, chai shinallatacmi cancunapish ñuca mandashcacunata pactachishpa, ñuca c'uyashca canguichic.

SAN JUAN 10:11

Ñucami alli michicca cani. Chashna alli michic cashcamantami, ovejacunamanta huañuna cacpipish huañushalla.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 2:24

Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

SAN JUAN 5:30

Ñuca munaimantaca imata mana ruhuanichu. Shina cashcamantami, ñucata cachac Taitapac munashcata ruhuashpa, ñuca munashcataca mana ruhuani. Taita Dios nishca shinami gentecunataca alli cashcata, mana alli cashcataca nini. Chaimantami ñuca taripashcaca chashnatac can.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

SAN JUAN 19:11

Shina nicpi Jesusca: —Taita Dios imatapish ruhuana cashcata cucllapimi, ñucataca imatapish ruhuai pudingui. Shina cacpica, canman apamushpa cucmi, canta atishpa yalli juchayucca can— nirca.

SAN JUAN 5:26

Ima shinami ñuca Taitaca causaita cun, shinallatacmi ñucamanpish causaita cuchun curca.