SAN JUAN 10:1 - Nuevo Testamento en Quichua Cañar 1996

¹ Jesusca cashnami nirca: —Maijanpish chapashpa huañuchic shuhua cashpami, ovejacunapacmanca mana corral punguta yaicushpa, maitapish yaicun. Chaica chashnatacmi can.

Dios Rimashcata Quillcashcami

¹ Jesusca: —Maijanpish oveja corralman mana punguta yaicucca shuhuac, huañuchicmi. Chaica chashnatacmi can.

SAN JUAN 10:1 Referans Kwoze

SAN MATEO 7:15

‘Diosmantami huillacunchic’ nishpa, llullashpa huillaccunamantaca huacaichiringuichic. Paicunaca jahuallatacca, ovejacuna shina c'uyaillami. Shina cashpapish ucu shungupica, atuc shina millaicunami cancunapacmanca shamuncuna.

ROMANOS 16:18

Chashna ruhuaccunaca paicunapac munaicunallata ruhuashpami, Apunchic Jesuspactaca mana ruhuancuna. Paicunaca mishquilla, shinallatac uyanalla rimaicunata rimashpami, manarac alli yachac gentecunataca pandachincuna.

1 JUAN 4:1

C'uyashca criccuna, cai pachapica taucacunami “Diosmanta huillaccunami canchic” niccuna tiyan. Shina cacpipish ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

HEBREOS 5:4

Maijan cura cashpapish, pai quiquinllatacca jatun mandac cura cangapacca mana acllarinchu, ashtahuanpish Taita Dios Aaronta shina alli cachun acllashcacunallami, jatun mandac cura canga.

2 PEDRO 2:3

Paicunaca cullquita japingaraicullami, cancunamanca paicunapac yuyaillamanta yachachishpa chayucyangacuna. Paicunataca ña utcamanta pachami, “llaquimanmi ringuichic” nishpa Diosca shuyacun. Chai llaquimantaca manatac quishpiringacunachu.

2 PEDRO 2:1

Israelcunapurapica*f** “Diosmantami huillacuni” nishpa, ñaupa llullac huillaccunapish tiyashcami. Chashnallatacmi cancunapurapipish llullashpa yachachiccuna tiyanga. Chashnami paicunata Quishpichic Apunchic Jesusta “mana ricsinichu” nishpa, cancunamanca allita yachachicuc shinalla llaquiman pushac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

1 PEDRO 1:10

Diosmanta ñaupa huillaccunaca allita tapushpa yachashpami, cancunata Dios c'uyashpalla, quishpichina cashcataca huillarca.

ROMANOS 10:15

Shinallatac quishpirinamanta huillachun pipish mana cachacpica, ¿ima shinatac huillangacunayari? Dios quillcachishcapica: “Alli huillaita huillangapac chayaccunaca, ¡mai sumacmi can!” ninmi.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

TITO 1:11

Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Chaimantami paicunataca upallachina can.

SAN JUAN 10:7

Jesusca cutinllatacmi cashna nirca: —Ñucami ovejacuna yaicuna punguca cani. Chaica chashnatacmi can.